MARK 13:26 - Kathara Bible (BSI)

²⁶ Chiwui thili miwui Naomayarana hakkhamahā pangshap kala tekhamatei eina ngasoda muiyālungli kharā nathumna theira.

MARK 13:26 Iomraidhean Croise

MATTHEW 16:17

Chieina Jishuna ali ngahānkai, “Johnwui naomayara Simon, na ka̱lā mahai! Kaja nali asā khavaiya kala ashee kazangana phongkhami maningmana, kha kazingramli khalei iwui Avāna phongkhamina.

MATTHEW 16:27

Khikhalajila miwui Naomayarana awui kazingraobingli ngasoda Avāwui tekhamatei eina rāki kajina, kala chiwui thili mi kachiva̱li kachichāna sākahai chiwui athishurda ana runmira.

MATTHEW 16:28

Ina nathumli kachangkhat kahāngna, miwui Naomayarana awui wungramli kharā matheiranglakha kathi mamazapki kaji mi kaikha hili nganingda lei.”

MATTHEW 24:30

chiwui thili kazingramli miwui Naomayarawui machut chi theira; kala okathuili khalei miyur saikorana chapra, kala miwui Naomayarana pangshap kala tekmateilak eina muiyātungli tongda kharā theira;

MATTHEW 25:31

“Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra.

MARK 14:62

Kala Jishuna hānga, “Ilaka, kala miwui Naomayarana Pangshapwui yāshong kapam kala muiyā tongda kharā nathum saikorana theira.”

MARK 8:38

Vareli makathei makaphā thot hili kachikathāna iwui kala iwui tuiwui vang khayakakha, miwui Naomayarana Avāwui tekhamatei eina kazingraobingli ngasoda kharā tharan awui vangla khayakhaora.”

MARK 9:1

Ana athumli hānga, “Kachangkhat eina ina nathumli kahāngna, Varewui wungram china pangshap eina ngasoda kharā matheiranglakha kathi mamazapki kaji mi kaikha hili nganingda lei.”

LUKE 21:27

Chiwui thili athumna miwui Naomayarana hakkhamahā pangshap kala tekhamatei eina ngasoda muiyā tongda kharā theira.

OTSAK 1:11

“Galileenaobing, nathum kachiwui vang eina kazingramli ngashānkhayangkhala? Nathumwui eina kazingramli khuikā kahai Jishu hi, arui kazingli khuikakā kathei hi tākam eina ana latrāluira.”

1 THESSALONICANAO 4:16

Chithang ningkhamiwui kakaso khavao, kazingrao akhavāwui akhon, kala Varewui talla̱khon eina ngasoda Proho a khalatta kazingramwui eina rāra. Khristali shitsangda thikahaibingna rida ringshokra.

2 PETER 1:16

Ithumwui Proho Jishu Khristawui pangshap kala ana rāki kajiwui pongli ithumna kahāng chi ningkap eina semkakhui khararchān maningmana; kha ithumwui mik eina awui khangam-kharei chi theikahaina.

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.