MARK 13:2 - Kathara Bible (BSI)

² Kala Jishuna ali hānga, “Shim kahahakbing chi na theida leila? Maja̱tāla ngalung akhawuitungli ngalung akha ngarorda maleisaluimara.”

MARK 13:2 Iomraidhean Croise

JEREMIAH 26:18

“Moreshethwui Micahna Judahwui awunga Hezekiahwui atamli Judah mi saikorali marānmi: ‘Saikorawui Prohona hānga, Zionli seiot kakhui thāda khuira, Jerusalem ngayānghaida khorkazam kahai ngasāra, Khorumshim sāhaida khalei phungrei hi ngahong ngasāhaora.’

DANIEL 9:26

Haptā hangtharukta khaniwui thili thao neomi kahai akhali katathaida khikha maleimara; kala rāki kaje wungnaowui mibingna keinungla, kathara shimla sākazamhaora, khangachang atam chi tara̱ kaphong eina ngasorāra, kala khangachangli rai shokra; ramkachola khak tāhaira.

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

MATTHEW 24:2

Kha Jishuna athumli ngahānkai, “Nathumna saikora hi katheina, maningmala? Ina kachangkhat nathumli kahāngna, mahorkathānhaila ngalung akhawuitungli ngalung akha leiki kaji akhala maleimara.”

LUKE 21:6

“Nathumna theida khalei, ngalung akhawuitungli ngalung akha maleiluiki kaji atam rārāli; ngalung kachiva̱ phukshoklaga horkathānserhaora.”

OTSAK 6:14

Kaja kathara shim hi Nazarethwui Jishuna sākhayānghaora kala Mosesna ithumli mikahai khangachāyan chila ngachei ngasakra da kahāng ithumna shāhaira.”

PHONGKHAMI 11:2

Kha khorumshimwui ayar yāngkhup chi matamkhuialu; chiya miyur khangateili mikahaina kala athumna kathara keinungtungli kachāng hangmatida khani naikazamra.