MARK 13:11 - Kathara Bible (BSI)

¹¹ Nathumli bichar sākhavai athumna khuikhavā kala mikasang tharan nathumna khi hāngra da rida makhanangalu; kha atam chichangli khami chi hānglu, kaja nana khamatui maningmana kha Manglā Katharana khamatuina.

MARK 13:11 Iomraidhean Croise

2 SAMUEL 23:2

Prohowui manglāna ili matui ngasakta, awui tui imaleli sangkhamina.

ISAIAH 50:4

Tamkachitheiwui male Proho VAREna ili mi, chieina ningkachotali kathāda tui eina ngasoda hāngphaneprakhala kaji ina theikhavaina. Ngathor kachida ana mathota, kala tamkakhuibing athum thāda shākhavai ikhanā ana mathing ngasaka.

MATTHEW 10:17

Mibingli ngasharlak eina yanglu, kaja nathumli athumna hanga̱shimli hokāra kala athumwui synagogueli sājei eina ngaphitra,

MARK 13:12

Achinā ngarāna achināngarāli, avāva̱ ngarana naongarāli, naongarāna ava̱ avāli thikhavai sāra;

MARK 13:9

“Kha nathum khalatta ning ngasharlu, kaja nathumli athumna kārotli khuikara; nathumli synagogueli kashaola shaora; kala iwui vang nathum khamungbing eina awungabingwui mangāli shākhi mikhavai kānganingra.

LUKE 21:12

Kha saikora hi mashokranglakha athumna nathumli tukkhuida rekhareklaga synagogueli khuivāra kala phātoplila sangra kala nathumli iwui mingwui vang eina awungabing eina governorbingwui mangāli nganing khavai khuivāra.

JOHN 3:27

Johnna ngahānkai, “Kazingramwui eina khami maningakha khipānakha khikha masamphangrarmana.

OTSAK 2:4

Chieina athum Manglā Katharana pemtinghaoda Manglāna athumli matui khangasak tuiyur khangatei eina matuiphokhaowa.

OTSAK 3:13

Pilatena chihomihaoga kaji tharan nathumna mamayāmada khalan kahaia awui rao Jishuli, Abraham, Isaac, Jacob, kala ithumwui avāngarābingwui Varena tekmatei ngasakhaira.

OTSAK 4:31

Seihā sāchang kahai eina athumna kakazip apam chi nganukhaowa; kala athum saikora Manglā Katharana pemhaida Varewui tui pinglak eina matui.

OTSAK 6:10

Kha Stephenli Manglāna thangkhamei sangmida khamatui chitharan, athumna mangasungrarthuwa.

OTSAK 6:15

Hanga̱shimli kapam saikorana Stephenli yangvāser kaji eina awui mai kazingraowui thada thei.

OTSAK 7:55

Kha Stephen Manglā Katharana pemhaida kazingramli yangkakā eina Varewui tekhamatei kala Jishuna Varewui yāshong khanganing chi theida,

1 CORINTHNAO 2:13

Chieina ithumna mikumowui thangkhamei eina matamchitheimana, kha Manglā kazangabingli manglārinwui mashun hāngkachithei thada Manglāna tamchithei kahai tui eina tamchithei.

EPHESIANAO 3:5

Khare thotli tui hi mili machitheisāmana, kha ara awui kathara paokazatbing eina marānbingli Manglāna phongmihaira.

JAMES 1:5

Kha nathumwui ngachaili kachikathā theithangkhamei vatta leiakha, kakharar maleila mingairareo eina mi saikorali khame Vareli seihā sāranu. Chieina ana mira.

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.