MARK 12:2 - Kathara Bible (BSI)

² Atam ungkashung tharan khamasābingwui eina amasātman athei akhui khavai rao akha chihovai.

MARK 12:2 Iomraidhean Croise

2 WUNGNAOBING 17:13

Chithālala, “Iwui rao marānbingli chihoda navā ngarāli ina kaso kahai iwui ain saikora chiwui athishurda makaphāwui eina mai ngareiunglaga iwui ningkhami kala shiyan-chikan mayonlu” da Prohona Israel eina Judahli awui marān kala kathei kachiva̱li hāngmathin ngasaka.

2 THOTRINCHĀN 36:15

Avāva̱ ngarāwui Proho Varena athumli kala aramli lukhamashanwui vang, marān chiholui chiholui ji;

EZRA 9:11

narao marānbingli nana, nathumna vāda akhuiki kaji lam chi apam chiwui mibingwui khamakhao china ngalei chi mathar ngasakthura; athumwui makathar ningkakachai china haokaphokwui eina akatangli chipemhaira.

LAA 1:3

Chikathā mi chi kongrā tara̱pamli lingsang kahai thingrong, angasut khaung tharan athei khamatheiya, kala anā makhangahui kathāna. Ana kasāsā saikorali mataisanga.

JEREMIAH 35:15

Iwui rao marānbing kachungkha chihoda athumna, ‘Makhamashung apongwui eina nathum kachiva̱ latungda nathumwui apong mashung ngasaklu, kala khangatei vareli otram ngatha khavai mashurzatalu, chithakha nathumli kala navāngarāli ina mikahai ngalei chili somra’ da hāng ngasakchinga. Kha nathumna ili manganāsangmana, kakhuila makhuisangmana.

JEREMIAH 44:4

Chithālala iwui rao marānbingli chihorāda, ‘Iyavo, ina ningkakachai ot hi masaalu’ da rāhang ngasakchinga.

MICAH 7:1

I kalākashi! kaja I lumkachāngwui athei phākhui kahai, drakhāthei arong eina phākhuiser kahai thāda: amazān akha eina tangda shaikhavai maleithura, iningna shaikhangai minkhare khaorātheila maleithura.

ZECHARIAH 7:7

Jerusalemli kala kuimareida khalei keinung kachiva̱ kashakazā mavātlakla okthuikasā azingshongla, tampāklila pānkasa chi Prohowui tui, paokazatbingna hāngmihaikasā maningmala?

MATTHEW 21:34

Drakhāthei kaphā atam kharā tharān, raobingli yāmgui khamasābingwui eina awui sharuk athei akhui khavai chihovai.

MARK 12:1

Jishuna athumli chānjam eina hāngchitheiphoka. “Mi akhana drakhā yāmgui akha sālaga kuimareida hokhaithing eina ngaveiya, atheira̱ sangkhavai akhurla chuihai kala tārongla semhai, chiwui thili yāmgui chi mili masā ngasaklaga a kha̱ram vāhaowa.

MARK 12:3

Athumna ali tukkhuilaga shaoshaomihailaga khamasai eina shiunhaowa.

LUKE 12:48

Kha akhavāwui ningkachāng makatheiwui vang khalāng ot sākahai a china tandi samphanglala teomeira, kachungkha mikahai mi kachiva̱wui eina kachungkha khuishokpapamra kala chungmeida chisin kahaipawui eina chungmeida pora.

LUKE 20:10

Atam ungkashung tharan khamasābingli amasātman akhui khavai awui rao akha chihovai. Kha khamasābing china ali shaomihailaga khamasai eina shiunhaowa.

HEBREWNAO 1:1

Achālakha awo ayibingli Varena kachungkha shida matuiya kala apong kachungkha eina marānbingli shichinda hāngmi.