MARK 12:14 - Kathara Bible (BSI)

¹⁴ Athumna ali rangahāna, “Ojā, na khamashunga kala mimai makhayanga mina da thei, kaja nava miwui shingamli mayangmana, kha mikumowui vang Varewui kaphaningwui mashun chi tamchithei. Caesarli khāshina khami hi ainka, maningmakhala?”

MARK 12:14 Iomraidhean Croise

2 THOTRINCHĀN 18:13

Kha Micaiahna ngahānkai, “Prohowui ming singda kahāngna, iwui Varena kahāng chi ina hāngra.”

2 THOTRINCHĀN 19:7

Chiwui vang Vareli khangachee nathumwuitungli leiranu; nathumna khi sālikhala kaji ningngasharlu; kaja ithumwui Proho Varewuili mashun thānkhangui maleimana; mijangla maleimana, pheizāla maleimana.”

NEHEMIAH 9:37

Ithumna morei kasāwui vang, lam chiwui athei-arai kachungkha samkaphang chi, nana ithumwuitungli mungkhangasaka awungabingwuili thuingasakhaowa; ithumwui phasā kala sha̱keiwuitunglila athumwui sakhangaingai sākhavai pangshap lei, ithum chotnākachanghaira.

LAA 120:2

“O Proho kakapik morchaiwui eina, kachipat malewui eina ili kanmilu.”

LAA 55:21

Awui tui seina̱khanli lāngda nganaimei, kha wuklungli raiwui ning mānga; awui tui thaoli lāngda mayomei, kha athum chiya raighai kasing kathāna.

JEREMIAH 42:20

kaja nathumwui manglā mashivāmlakla shongfa ma̱thuihaira. Kaja nathumwui Vare Proholi seihā sāmi khavai nathumna ili chihorāda hānga, ‘Vare Proholi ithumwui vang seiha sāmilu, ana kahāng saikora chi ithumna sāra’ da nathumna hānga.

MICAH 3:8

Kha ichanga pangshapna pemtinghai, Prohowui Manglā eina, kala mashun eina kala yāng eina, Jacobli awui khayonkhamāng kala Israelli awui morei phongmi khavai.

MATTHEW 22:16

Chiwui thili athumwui sākhangatha̱bing eina Herodwui mibing kaikhali shivātlaga ahāng ngasaka, “Ojā, ithumna thei kaja na khamashungana, kala Varewui shongfa mashunglak eina tamchithei, kala kateina nali khinada khuilikhala kajiwui vang kakhanang maleilakmana, maramva miwui kharei kateoli nana khikha mayangmana.

MATTHEW 22:17

Ithumli nawui kaphaning hāngmilu. Caesarli khāshinā khami hi ainla, lah maningmakhala?

MARK 12:13

Athumna Jishuwui tuimatui eina khayon tukkhui khavai Pharisee eina Herodwui mi kaikha chihovai.

MARK 12:15

Miraka, mamimara? Kha athumwui phakharek chi theida, ana athumli hānga, “Ili khisāda chāng yangkhala? Lupāsā akha khuirālu, ina yangga.”

MARK 14:45

Judasna rākhaleoda Jishuwuili vai kala “Ojā!” da hānglaga amaya̱ya.

LUKE 20:22

Caesarli khāshinā khami hi mingayikā mamingayimakhala?”

LUKE 23:2

khuivālaga hithada kasotsanga, “Mipā hina ithumwui yurli mashongachei ngasakta Caesarlila shai mami khavai khāma kala akhalatta Khrista Awunga akhana ji.”

JOHN 7:18

Khalatawui sāshap eina khamatuia china khalattawui maikhayā phai, kha ali kashirātawui maikhayā kaphā a chi khamashungana kala awuili sākakhaning maleimana,

ROMNAO 13:6

Chiwui vang eina nathumna khāshinā khamina; athumna athumwui sāki kaji ot kasā chi Varewui vang sākhamina.

2 CORINTHNAO 2:17

Ithum Varewui chānpaoli paisor eina kaphaning athum kathā maningmana. Kha Varena kachihowui vang Khristawui rao sāda ithumna ningtharlak eina awui miktāli matuiya.

2 CORINTHNAO 2:2

Kaja ina nathumli khanang ngasakhaiakha ili khipāna mathān ngasakrakhala? Khanang ngasak kahai nathum maningla katei maleimana.

2 CORINTHNAO 4:1

Chithada sāda Varewui lukhamashan eina otram khangatha̱ hi samphanghaoda ithumna ning suikatā maleimana.

2 CORINTHNAO 5:11

Chiwui vang eina Proholi ngacheekhangayi theida ithumna kateibinglila suikhui khavai ngarāna. Ithumli Varena theisera, kala nathumnala ningli theisera da shitsanga.

2 CORINTHNAO 5:16

Chiwui vang eina ithumna ara okathuiwui ningphanin eina mi khipālikha maphaningluimana. Atam akhali Khristali okathuiwui ningphanin eina phaningsai, kha ara chithada maphaningluimana.

GALATIANAO 1:10

Ina miwui mangāli khayākakā kaphā thāhaola? Maningphutmana. Ina ningkachangva Varewui mayākhamimaya! I maho khavai hotnada leila? Ina chi sachingda leiakha I Khristawui otram khangatha̱a masāsamara.

GALATIANAO 2:6

Themrekabing china chiyākha ngamda matuilala ina makhuisangmana; kaja Vare mimai mayangmana. Ina kahāngna kaja kathema athumna ili mathākhamei kadhara apong mahāngmirarmana.

KHALATLUI 16:19

Mashun nathumna mangui ngasakpaimana; nathum mijang masāpaimana, pheizā mazāpaimana, kaja pheizā kazāna thangkhameiwui mik ngapeo ngasakta khangarongli yonngasaka.

1 THESSALONICANAO 2:4

Kha Varena mayāmida ithumli horsangkhami paokaphā, ana hāngngasakkhangai chi khamatuina. Hi mikumoli maningla kha ithumwui wuklung katheia Vareli ningyāng ungngasak khavaina.