MARK 12:13 - Kathara Bible (BSI)

¹³ Athumna Jishuwui tuimatui eina khayon tukkhui khavai Pharisee eina Herodwui mi kaikha chihovai.

MARK 12:13 Iomraidhean Croise

LAA 140:5

Hiksor kahaibingna ili khalen sanga, khara̱ rānlaga athumna mankhavai sai; shongfapheili iwui vang khalen sanghai.

LAA 38:12

Imanglā khuikhavai ili kaphābingna khalen sanga; ili chotkhavai phākazatbingna shimān khavai matui, kala yansai khavai langpongda machuka.

ISAIAH 29:21

Chānhān eina mibingli ning saza̱ khangasaka, machinkhameli ngaveili khalen kasanga; mashun khaleia ali kapikta nguikhangasaka athumli katathaora.

JEREMIAH 18:18

Chiwui thili athumna hānga, “Rālu, Jeremiahli sāmihaosa; ithumli ngachonmi khavai pāngmonla, hāngchitheimi khavai thangkhamabingla, shokki kaji tui hāngmi khavai marānla leichingra. Mamatuilak khavai khangarān akha sāsa, awui tui kakhuila makhuiluiasa.”

MATTHEW 16:6

Jishuna athumli hānga, “Phariseebing eina Sadduceebingwui khawok chili ningngasharlu.”

MARK 12:14

Athumna ali rangahāna, “Ojā, na khamashunga kala mimai makhayanga mina da thei, kaja nava miwui shingamli mayangmana, kha mikumowui vang Varewui kaphaningwui mashun chi tamchithei. Caesarli khāshina khami hi ainka, maningmakhala?”

MARK 3:6

Chieina Phariseebingna synagoguewui eina shoklaga hengsāda Herodwui mijangbingli asamphanga kala kathada ali shaothatsikhala da ngasan ngaroka.

MARK 8:15

Jishuna athumli “Ning ngasharda khuiphunglu, Pharisee eina Herodwui khawok chili ngasharlu kala mangarumhaialu.” da hānga.

LUKE 11:54

kala ana khayon tui khamatui rimkhuilaga tukkhui khavai khalenla sanga.