MARK 12:12 - Kathara Bible (BSI)

¹² Athumna ali tukkhui khavai ngarāna, kha yaruili ngacheehaowa, kaja chānjam chi ana athumli rinlaga kahāngna da athumna machuka; chieina athumna ali horhailaga zatthuihaowa.

MARK 12:12 Iomraidhean Croise

MATTHEW 21:26

Kha ‘Mikumowui einana’ da hāngakha ithum yaruili ngacheehao; kaja mi saikorana John hi kachangkhat marānna da khuiya.”

MATTHEW 22:22

Athumna hi kashā eina matakhakhaoda awui eina thuihaowa.

MARK 11:18

Pāngmon akhokabing eina ain kathemabingna chi shālaga ali shaothat khavai apong phai; kala mi kachungkha china awui tamkachithei matakhak kahaiwui vang athumla ali ngacheehaowa.

MARK 11:32

‘Mikumowui einana’ jisa, athum mibing chili ngacheehaowa kaja mi saikorana John hi kachangkhat marānna da khui.

LUKE 20:19

Ain kathembing eina pāngmon akhokabingna pung chichangli Jishuli tukkhuingai, khikhalajila ana chānjam kahāng chi athumli kahāngna da athumna thei, kha athumna mibingli ngacheehaowa.

LUKE 20:6

‘Miwui einana’ jisa, mibingna ithumli ngalung eina horthathaora; kaja John hi marān akhana kaji athum saikorana mayāchao kahaina.”

JOHN 7:25

Jerusalemwui mi kaikhana hānga, “Akhavābingna shaothatra kaji mipa chi hi maningmala?

JOHN 7:30

Chieina athumna ali tukkhui khavai sai, kha khipānakha ali pāng maparmana, kaja awui atam marārangsai.

JOHN 7:44

Kaikhana Jishuli tukkhuingai, kha khipānakha pāng maparmana.