MARK 11:17 - Kathara Bible (BSI)

¹⁷ Chiwui thili mibingli ana tamchithei: “Hithada makapihaimala, ‘Iwui shim hi yur saikorawui seihā sākhavai shim hora’ kha nathumna khalebingwui shim sāngasakhaira.”

MARK 11:17 Iomraidhean Croise

ISAIAH 56:7

athumli iwui kathara phungreili khuivāda iwui seihā sākhavai shimli mathān ngasakra; iwui hanphuttungli athumwui rikkatā kachigat kala pha̱kaphayā chi khuisangmira; kaja iwui shim hi yur saikorawui vang seihā sākhavai shim hora.”

ISAIAH 60:7

Kedarwui yaoshang saikora kazipkhuida nali khuirāra, Nebaiothwui yaovābingna nali otram ngatha̱ra; iwui hanphutli chibing chi khuisangkapai ngasāra, kala iwui tekmateilak kahai shim chi ina tekmatei ngasakra.

JEREMIAH 7:11

Iwui ming eina kahoa shim hi nathumwui mikyanli khalebingwui shim sathuihaola? Yanglu, hi I khalattana theikahaina da Prohona hānga.

HOSEA 12:7

Pāngli makhamashung khān tamkhavai kasinga leih khayorana, kateikazāli akachang sai.

MARK 11:16

kala ana mi khipālikha khorumshimwui kayāng kānzangda otnao akhala makhuizang ngasakmana.

LUKE 19:46

“Hithada kapihaida lei: ‘Iwui shim hi seihā sākhavai shim hora’ kha nathumna hi pha̱ma̱kashaobingwui shim sāngasakhaira.”

JOHN 2:14

Khorumshimlungli sei, yao, kha̱na̱ yorkasā kala lupā kakaibingna leih sākasā thei.

JOHN 2:16

Kala kha̱na̱ khayorbing chili ana kasoi, “Ot saikora hi hiwui eina khuishokhaolu! iwui Avāwui shim hi leihngapha̱ masā ngasakpaimana.”