MARK 11:14 - Kathara Bible (BSI)

¹⁴ Chieina ana hānga, “Nawui eina athei mi khipānakha mashailakranu!” Chi awui sākhangatha̱bingna shai.

MARK 11:14 Iomraidhean Croise

MATTHEW 21:19

Kala ana shongfapheili khaorārong theida apam chili vai, kha chili anah maningla khikha masamphangthuwa. Chieina ana arong chili hānga, “Athei mamatheiluilakranu!” Chieina khaorārong chi ngalāngda ngahuihaowa.

MATTHEW 21:33

“Chānjam tui khangatei akhala nganālu. Shimva̱ akhana drakhā yāmgui akha sai kala chi kuimareida pan sāhai; alung chili drakhāra̱ surkhavai akhurla chuihai, tārong kajui akhala sāhai. Chiwui thili ana khamasābingli luimasāt mihailaga ngalei katava̱li thuihaowa.

MATTHEW 21:44

“Ngalunggui hiwuitungli tākatunga a chi kaikazamra, kha ngalunggui china tākkaza̱ a chi akha̱-akhā ngasāhaora.”

MATTHEW 3:10

Aruila thingrongbingwui angayungli ngahā parhaida lei. Chieina athei khamathā makhamathei thingrong kachiva̱ ta̱teklaga meilungli horsanghaora.

MATTHEW 7:19

Khamathā athei makhamathei thingrong kachiva̱ ta̱teklaga meilungli horsanghaora.

MARK 11:13

Khalāda khaorārong anah phungyir eina theida athei matheilapai da ayanga. Ana chili khavā eina anah maningla khikhala masamphangthuwa, kaja athei khamathei atam maningsāmana.

MARK 11:15

Athumna Jerusalemli rākashung eina Jishuna khorumshimli zangda ot yorkasābing eina lokasābingli kashamphokhaowa kala lupā kaikhamebingwui table kala khana̱ khayorbingwui pamkhong saikora horkathānmiserhaowa;

JOHN 15:6

Kachikathāna ili mazangakha aphāng katheng thada katatkhui, kala kazipkhuilaga meili horsangda chuitā ngasaka.

2 PETER 2:20

Huikhame Proho Jishu Khristawui mangā eina theithangmeida okathuiwui khamakhaowui eina yāmshoklaga chiwui khalenli tāzangluiakha, khare mirinli khanaopā zakshimei.

PHONGKHAMI 22:11

Makaphā kasaa china makaphā sāsāranu, khamakhaoa china awui khamakhaoa chili ngaphumsāranu, khangaronga china mashun chi sāsāranu, kala kathara china tharda leisāranu”