MARK 11:13 - Kathara Bible (BSI)

¹³ Khalāda khaorārong anah phungyir eina theida athei matheilapai da ayanga. Ana chili khavā eina anah maningla khikhala masamphangthuwa, kaja athei khamathei atam maningsāmana.

MARK 11:13 Iomraidhean Croise

ISAIAH 5:2

Ana chi changa kala chiwui lungguibing hāshokserhailaga, drakhāthei khamathā yur lingsanga; chiwui alungli ana tārong akha sai; kala chili vaichum akhala khonhai; kala ana athei khamathei honpama, kha ramwui samkāngra̱thei matheihaowa.

ISAIAH 5:7

Kaja saikorawui Prohowui yāmgui chi Israel shimkhurna, kala Judahwui mibing yangkhangai akharna; ana mashun phai, kha yanglu, ashee katāmāng; khangarong phai, kha yanglu, chapkhangachā samphang!

MATTHEW 21:19

Kala ana shongfapheili khaorārong theida apam chili vai, kha chili anah maningla khikha masamphangthuwa. Chieina ana arong chili hānga, “Athei mamatheiluilakranu!” Chieina khaorārong chi ngalāngda ngahuihaowa.

MARK 11:12

Akhama kathā athum Bethanywui eina kharā tharan Jishu thaihaowa.

MARK 11:14

Chieina ana hānga, “Nawui eina athei mi khipānakha mashailakranu!” Chi awui sākhangatha̱bingna shai.

LUKE 10:31

Khaleilaga shongfa chili pāngmon akha rāchamrāsai. Ana ali kathei eina shongfa lākhavāk theithuihaowa.

RUTH 2:3

Chieina ana vāda kahātabingwui thili mātham aphai; kala ana khavā lui chi, Elimelechwui shimkhur Boazwui luipam sāsai.

1 SAMUEL 6:9

Kala yanglu; awui shongfa Beth-shemesh ngaleili unghaikha, ithumli kahaka kalā shikhangasaka chi alaka; kha kalikhada chimathaakha, chieina ithumna theikhuira kaja awui pāng eina shokkhangasak maningmana, kha ithumli kalāshida rākashokna” da hānga.