MARK 10:22 - Kathara Bible (BSI)

²² Ana chi kahāng eina awui mai ngayumtir eina khanangzangda hanunghaowa kaja awui shimlui kachungkha leisai.

MARK 10:22 Iomraidhean Croise

EZEKIEL 33:31

Mibingwui thāda athumnala rai kala nana kahāng chi nganākhui, kha kasāva masāmana; khamorle leikashi tui kachungkha hānga, kha alungshonga khalatta tongzā khavaimāng sai.

MATTHEW 13:22

Ka̱shātronglungli yaosang kahai athā chiya tui chi shālala mirinwui vang malungkharing kala lanli leikashina tui chi shangthathaowa kala atheila mamatheithuwa.

MATTHEW 19:22

Yarona china tui chi kashā eina wukkhananglak eina thuihaowa, khikhalajila a shānglaka.

MATTHEW 27:3

Jishuli shaothat khavai yonchiphunhaira kaji pao yankakasaia Judasna kashā tharan, ningngateida pāngmon akhokabing eina ararbingli lupā thumrā chi khuivāmiluida,

MARK 10:21

Jishuna ali yangtitlaga leishida hānga, “Nawui khavāt akha lei; ungulu kala nawui khalalei saikora ungyorhailaga kachāmabingli mihaolu, chithākha kazingramli nawui lan kaziphaira; kala rāda ithi shurlu.”

MARK 10:23

Chieina Jishuna sākhangatha̱bingli yanglaga, “Varewui wungramli zangkida kashāngbingwui vang kayākha sakrakhala?” da hānga.

MARK 6:20

kaja Herodna John hi khamashunga kala kathara mina da katheiwui vang ali ngacheelaka, chiwui vang eina ana ngākmi. Awui tui shākachida ning pa̱ngapālaklala ana awui tui nganāngailaka.

MARK 6:26

Kala awunga wukhananglakhaowa, chithālala awui tuingahit kala ngasotnaobingwui vang eina ali ngashitsang kahai tui chhi mahatngathuwa.

LUKE 12:15

Chieina ana athumli hānglui. “Ningkhariklu kala khangamarli ningngasharlu; kaja mikumo akhawui mirin hi awui lan tarākha khalei chili khalei maningmana.”

LUKE 18:23

Ana hi kashā tharan wukhananglakhaowa, kaja a kashānga mi akhana.

2 CORINTHNAO 7:10

Varewui eina kharā malungkharing china huikhami samphang khavai ningli khangachei khuirai kala ningkakatat maleimana, kha okathuiwui ningkachotna thingasaka.

EPHESIANAO 5:5

Shāmkasā, makathara, kākharāma (kākharām hi meoma̱li khokharum kathāna) mi china Varewui kala Khristawui wungramli kachilikha shimlui makāpaimana.

2 TIMOTHY 4:10

Demasna aruihonwui okathuili leishimeihaoda ili chihohailaga Thessalonicali vāhaira. Crescensla Galatiali vāhaira kala Titusna Dalmatiali vāhaira.