MARK 10:21 - Kathara Bible (BSI)

²¹ Jishuna ali yangtitlaga leishida hānga, “Nawui khavāt akha lei; ungulu kala nawui khalalei saikora ungyorhailaga kachāmabingli mihaolu, chithākha kazingramli nawui lan kaziphaira; kala rāda ithi shurlu.”

MARK 10:21 Iomraidhean Croise

HAOKAPHOK 34:19

Yaronpa china ahui rimkashok chi kapan maleila sāhaowa, kaja ana Jacobwui naongalāva̱li ningchangnahaowa. Chitharan nao hi ashi shimkhur saikorawui ngachaili khayākālak eina leisai.

CHĀNSAM 23:23

Khamashung lokhuilu, kala chi mayorhaialu; thangkhamei, tamkachithei, kala theishingkakhui lokhuilu.

MATTHEW 16:24

Chiwui thili Jishuna awui sākhangatha̱bingli hānga, “Kachikathāna ithi shurga jiakha, khalattali malaihailaga, awui krush phungda ithi shurranu.

MATTHEW 19:21

Jishuna ali hānga, “Nana peichaongaiakha, ungulu, laga nawui khalalei saikora yorserhailaga kachāmnaoli mihaolu. Chieina kazingramli nawui lan leira. Chiwui thili rāda ithi shurlu.”

MARK 10:22

Ana chi kahāng eina awui mai ngayumtir eina khanangzangda hanunghaowa kaja awui shimlui kachungkha leisai.

MARK 8:34

Kala ana yarui chi awui sākhangatha̱bingli ngasoda hokhuida hānga, “Kachikathā mina ithi shurga jiakha, a khalattawui ningkachāng horhailaga awui krush phungda ithi shurranu.

LUKE 10:42

kha khavāt akha lei, Maryna awui eina makhuithuiki kaji chi kapangkhuihaira.”

LUKE 12:33

Nathumwui khalalei lan yorhaolu kala kathai-kachāmbingli milu; nathum khalatta kakān makhavai pheisākhao sākhuilu kala nathumwui lan chi kakānla mavailuiki kaji kazingramli phārihailu. Chili khalenala maleethuirarmara kala magungnala mazāmara,

LUKE 16:9

Kala ina nathumli kahāngna, “Nathum khalatta makathar okathuiwui lan eina ngasotnao phākhui, chithākha lan chi shimān kahai tharan athumna nathumli makashimānpamli zangngasakra.

LUKE 18:22

Jishuna chi kashā eina ali hānga, “Nawui khavāt akha leifaya. Nawui khalalei saikora yorhailaga kachāmnaoli yaohaolu, chithākha kazingramli nawui lan leira, laga rālu, ithi shurlu.”

LUKE 19:41

Ana vānganaimeida keinung chi akathei tharan keinung chiwui vang khanangda chaplaga hānga,

LUKE 9:23

Ana saikorali hānglui, “Kachikathā mina iwui thi shurga jiakha akhalattawui ningkachāng horhaida awui krush phungda ithi shurranu.

JOHN 12:26

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

JOHN 16:33

Ina nathumli hi hānghaira, iwuili nathumna chingri kahai samphangra. Okathuili nathumna kachotkachāng samphangra, kha ningai mathānlu, ina okathuili yuihaira!”

OTSAK 2:45

Athumwui khalalei lan, thongthāng saikora yorhaida kachikathāthā khavātabing saikorali ngayarmi.

2 CORINTHNAO 12:15

Nathumli ngachonmi khavai iwui khalei kala I khalattala mathānthathup chigatmira. Nathumli mataimeida leishiakha, ili suitāda leishirala?

2 TIMOTHY 3:12

Kachangkhat eina Khrista Jishuwui lungli zangda tharda ringkhangai mi kachiva̱li rekharekra.

HEBREWNAO 10:34

Phātop kazangbingli nathumna chotruma, kala nathumwui ot ngapaithuihailala kashimān chiwui vang ringphai, kaja makashimān kala phākhamei lan ngarānhaida lei kaji nathumna thei.

JAMES 2:10

Kaja kachikathāna ain katonga mayonlala kateo akha kaihaiakha saikora sākhai kahai kathāna.

PHONGKHAMI 2:14

Kha nathumli mamayākhangai kateokha lei; nathumwui ngachaili Balaamwui tamkachithei khuikasang mi kha lei, ana Balakwui tui tamchitheida Israelnaobingli phei ngaphok khavai sai. Kameoli kapha̱sā shaikhavai, ngalā ngashām khavai ana kasatsanga.

PHONGKHAMI 2:20

Kha nali mamayākhangai hi lei: Jezebel, khalatta marān kahova̱ chili nana mayai. Awui tamkachitheina iwui raobingli yonngasaka, khamathang-khamarang meoma̱li pha̱kahai sā chi ana shaingasaka.

PHONGKHAMI 2:4

Kha nali mamayākhangai hi lei; khareli nana ili leikashi leishāt chi ara maleithura.