MARK 10:18 - Kathara Bible (BSI)

¹⁸ Jishuna ali hānga, “Khisāda ili kaphā hokhala? Vare maningla kaphā khipākha maleimana.

MARK 10:18 Iomraidhean Croise

LAA 119:68

Na kaphaana, kaphā ot sai; nawui ain ili tamchitheimilu.

LAA 145:9

Proho saikorali phai, kala awui lukhamashan ana sākahai saikorawuitungli lei.

LAA 86:5

Kaja nava, O Proho, kaphā kala pheokhamena nali khangakaobingli makhangachei leikashi pemting eina mi.

MATTHEW 19:17

Chieina Jishuna ngahānkai, “Khiwui vang eina nana ili kaphāwui apongli ngahankhala?” “Kaphā kaho akhamāng lei. Nana kharingli zangngaiakha ningkhamibing chi mayonlu.”

MARK 10:17

Jishuna kharam vākhavai zatphokluishit kaji tharan mi akha ngasamrāda khuktizanglaga ali rangahāna, “Kaphā Ojā, makashimān kharing samphang khavai ina khi sārakhala?”

MARK 10:19

Ningkhamibing chi nana thei: ‘Mashaothatpaimana, maphophāpaimana, maleepaimana, makapikpaimana, maminampaimana, kala nava̱ navāli khayashilu.’”

LUKE 18:19

Jishuna ngahānkai, “Ili khisāda kaphā hokhala? Vare maningla kaphā khipākha maleimana.

ROMNAO 3:12

Saikora mathuihaira; athum tongda nguihaira; khipākha kaphākasā maleimana, akha eina tangtala maleimana.”

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.

1 JOHN 4:16

Chieina Varena ithumli leikashi khalei chi ithum khalattana thei kala shitsanga. Vare leikashena, leikashili khalei a chi Vareli lei kala Varena ali lei.

1 JOHN 4:8

Maleishikatha a chiya Vareli matheimana; kaja Vare hi leikashena.

1 SAMUEL 2:2

“Proho thāda kathar khipakha maleimana, Ali langda katei maleimana; ithumwui Vare kathā lunghār maleimana!