MARK 10:14 - Kathara Bible (BSI)

¹⁴ Jishuna chi kathei tharan malungvāthaowa kala athumli hānga, “Naoshinaobingli iwuili rāngasaklu; mahaphailu; kaja Varewui wungram chi chikathābingwuina.

MARK 10:14 Iomraidhean Croise

HAOKAPHOK 17:7

Kala iwui khangashit katang makhavai tuingashit akha sāda na eina nawui ara̱-azābingwui thot vāshungda ina mayonmira, nawui kala nawui ara̱-azābingwui Vare sāchingra.

LAA 78:4

Athumwui naongarāwui eina chi ithumna mathumhaimara, kha shokrārāda khalei thotli hāngchitheira, Prohowui tekhamatei otsak kala awui pangshap, kala ana sākahai matakhak kahai saikora chi.

ISAIAH 65:23

Athum aremali ot masāmara, unshimuiwui vang naola mapharāmara; kaja athum Prohowui sokhamiwui naotun ngasāra, athum eina ngasoda naongarābingla chithara.

MISHĀN 14:31

Kha nathumwui ara̱-azā, nathumna sāshai ngasāhaora da kahānga, naongarābing ina khuizangda nathumna horkahai ngalei chi athumna theira.

MATTHEW 18:10

“Naoshinao kateowa akhalila ningachai kahai masaalu, khikhalajila nathumli kahāng hina kaja athumwui kazingraobingna kazingramli khaleia Ishāvawui mai theichingda lei.

MATTHEW 18:4

Kachikathā khalatta naoshinao thada malungkhanima a china kazing wungramli hakmeikap kajena.

MATTHEW 19:14

Kha Jishuna hānga, “Naoshinaobingli iwuili rāngasaklu, athumli mahaphaialu, khikhalajila wungram hiya athum kathāwuina.”

MATTHEW 5:10

Khamashung khangarongwui vang rekharek kahaibing chi sokhamina, khikhalajila kazing wungram chi athumwui ngasāra!

MATTHEW 5:3

“Manglāli kachāmbing chi sokhamina, khikhalajila kazing wungram chi athumwuina!

MARK 3:5

Athumwui ning khamakang chi theilaga wukkakhanang eina malungkhavāt ngasoda ana athumli yanglaga kakazā mipa chili “Napāng katinglu” da kasoi, ana katingkashok eina khangachā apāng thāhaowa.

MARK 8:33

Kha Jishuna ngareiungda sākhangatha̱bingli yanglaga Peterli kaharda hānga, “Ikhanukshong unghaolu, Satan! Na Varewuishong maningla mikumowuishong lei.”

JOHN 3:3

Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

JOHN 3:5

Jishuna ngahānkai, “Kachangkhat eina ina nali kahāngna, kachikathāna tara̱ eina kala Manglā eina kapharā maningakha Vare wungramli mazangrarmara.

OTSAK 2:39

Tuingashit hi nathum kala nathumwui naongarāli kala katāva̱li khalei ithumwui Proho Varena hokakhui mi kachiva̱li khamina.”

OTSAK 3:25

Nathum marānbing kala Varena tuingashit mikahai navā ngarāwui naongarāna, kaja Abrahamli hithada hānga, ‘Nawui ara̱-azāwui mangā eina okathuili khalei shimkhur saikorali somira.’

ROMNAO 11:16

Khamui akai khare chi Vareli chigatakha, khamui ahāng katonga chila awuina, kala thingrongwui angayung chi Vareli chigatakha aphāng saikorala awuina.

ROMNAO 11:28

Jihudibingna paokaphā khalan kahaiwui vang Varena Gentilebingli yanghaoda athum Varewui yangkashe ngasāhaowa. Kha Varena athumli kapangkakhui ngasāhaoda, athumwui awo-ayibingwui vang eina athum Varewui leikashebingna.

1 CORINTHNAO 14:20

Ivānaobing nathumwui chukhamja̱li naoshinao mathaalu. Makaphā otli angangnao thada sālu kha chukhamaja̱li khararnao thada sālu.

1 CORINTHNAO 7:14

Mashitkasanga gahara chi shitkasangva̱ preiva̱wui mangā eina Varewui mangāli khuisangkapai ngasāhaowa; kala mashitkasang preiva̱ chi shitkasanga gahara chiwui mangā eina Varewui mangāli khuisangkapai ngasāhaowa. Chi maningsi kaje nanaongarā matharmara, kha chithada leiakha athum thara.

EPHESIANAO 4:26

Malungvāt ngaroklala morei masaalu kala langpongda malungmavātalu.

KHALATLUI 4:37

Kala navā ngarāli ana leikashiwui vang athumwui thili athumwui ara̱-azāli kapangkhuida, kala a zangchaolaga awui kahaka pangshap eina nathumli Egyptwui eina thānshokmi,

2 TIMOTHY 1:5

Nashāyi Lois eina nashāva̱ Eunicewui shitkasang katha nawui ningkathar shitkasang chi ina phaningunga kala chi nali leichingrada shitsangchaowa.

2 TIMOTHY 3:15

kala nganuilakhawui eina thuida, Khrista Jishuli shitkasang mangā eina huikhami samphang khavaiwui apongli thanvākhamiwui thangkhamei mishapa kathara tui chi nana theihaira kaji phaningunglu.

JOSHUA 8:35

Mosesna kaso kahai chili Joshuana Israel katonga, sha̱nao, naoshinao kala athumwui alungli pankharuma kha̱mi saikora chiwui kazip chili, mapāshokkhangakān tui akhala maleimana.

1 PETER 2:2

Pharādhadhar angangnao thada atam kachida kashenga manglāwui seina̱ ningchānglu. Chithada sāda chi khamangwui vang nathum rarsangda kahui samphangra.

PHONGKHAMI 14:5

Athumwui maleli kakapik maleimana, khikhalajila athum chukkakhara̱ maleimana.

1 SAMUEL 1:11

Kala ana khangashit akha sāda hānga, “O saikorawui Proho, kalikhada narao sha̱nao iwui kakhanang hi theimida, kala ili phaningmida, narao ili mamalailakla mayarnao akha misi kaja, awui mirin peida ina Prohowui pāngli mira; kala akuili kuisighai maparmara.”

1 SAMUEL 1:22

Kha Hannahva makāmana, kaja ana agaharali hānga, “Naona na̱ reikhaleoda ina ali Prohowui mangāli khuivāda vāchitheira kala chili apamchangnaoranu.”