MARK 1:27 - Kathara Bible (BSI)

²⁷ Mibing chi matakhakhaida akha eina akha ngazek ngaroka. “Hi khikhala? Kadhara tamkachithei tuila? Sashap pangshap eina ngasoda makathar manglālila kasoli kala athumnala awui kahāng nganāli!”

MARK 1:27 Iomraidhean Croise

MATTHEW 15:31

chieina khangasha̱na matuikapai, pāng katekali raikhami, phei katekana kazat kala mik khangapeoana kathei chi mibing china theilaga matakhakhaowa; kala athumna Israelwui Vareli masochikata.

MATTHEW 8:9

kaja ila iwui azingli shipai ngavālaga akhavābingwui azingli ot kasā mina, kala iwui azinglila raimi tarākha lei; kala ina akhali ‘Vālu’ jiakha ana vai, kala khangatei akhali ‘Rālu’ jiakha ana rai kala iwui raoli ‘Hi sālu’ jiakha ana chi sai.”

MATTHEW 9:33

Kameo kashamshokmikhaleoda khak khangasha̱pā chi matuipaihaowa kala yarui saikora matakhakhaoda “Israelli hikathā hi matheilakranga” da hāngngaroka.

MARK 1:26

Chieina raih china mipā chili nganurkazamlaga panglāk eina vaoda yāmshokhaowa.

MARK 1:28

Chieina awui sākashap chānpao chi Galileeli khalei apam kachiva̱li ngalāngda ngayaohaowa.

MARK 10:24

Sakhangatha̱bingna awui tui chi shālaga matakhakhaowa. Kha Jishuna athumli latluida hānga, “Naongarā, Varewui wungramli zangki kaji kayākha sakkhala!

MARK 10:32

Athumna Jerusalem shangukida zatlakha Jishuna athumli rida zata, chieina sākhangatha̱bingla matakhakhaowa, kala shurkazat yaruila ngacheehaowa. Kala Jishuna tharāda khani chili hokhuiluishitlaga ali khi shokra kaji tamchitheiphokta

MARK 16:5

Athumna chikhurli kazang eina yaronnao akha charshi kahai kachon ngavaida yāshong pamkasa chi theida athum matakhakhaowa.

MARK 16:6

Kala ana athumli hānga, “Mamatakhakhaialu, nathum shaoshān kahaia Nazarethwui Jishuli kaphāna. A ringshokhaira, hili maleimana, ali kachipetpam hi yanglu.

MARK 7:37

Kala athum matakhaknāhaida, “Ot saikora ana phālak eina sāmihaira; ana khangakhoka kala khangasha̱ali eina tangda shāngasak, kala matui ngasakhaira” da hānga.

LUKE 4:36

Mibing chi matakhakhaida akha eina akha ngazek ngarokta, “Hi khitui khala? Ana sāshap pangshap eina makathara manglā chili kakaso eina athumnala yāmshokli” da matuiya.

LUKE 9:1

Chiwui thili Jishuna tharāda khani chili hokhuida kameo kashamshok khavai kala kazātyur saikora raimi khavai sāshapla pangshapla mi.

OTSAK 17:19

Chieina athumna Paulli keinungwui hanga̱, Are-opagusla kaho chili khuivāda hānga, “Nana tuidhar tamchitheida khalei hi ithumla theingai.