MARK 1:25 - Kathara Bible (BSI)

²⁵ Jishuna ali khararda hānga, “Kasainakha pamlu, kala awui eina shokhaolu.”

MARK 1:25 Iomraidhean Croise

LAA 50:16

Kha makaphā makhayābingli Varena hānga, “Iwui shiyan nathumna hangtā khavai khimashun leikhala? Maningkha iwui tuingashit nathum morchaili parhai khavai khi mashun leikhala?

MATTHEW 9:30

Kala anina kathei samphanga, Jishuna anili saklak eina “Khipālikha mathei ngasaklu” da ningmi.

MARK 1:24

Ana “Nazarethwui Jishu, nana ithumli khi sāki kajikhala? Ithumli shimān ngasak khavai kharāla? Na khipākhala da ina thei, na Varewui tharkhamathengana” da vaowa.

MARK 1:26

Chieina raih china mipā chili nganurkazamlaga panglāk eina vaoda yāmshokhaowa.

MARK 1:34

Kazātyur khangatatei kakazā mi kachungkhali raimi, kala raih kachungkha kashamshokmi; kala ana raihbingli mamatui ngasakmana, kachiwui vangkhala kaja athumna a khipākhala da thei.

MARK 9:25

Jishuna yarui ashangva̱ chi athumwuili yongkharā chi theida, ana makathar mangla chili khararda hānga, “Khangasha̱a kala khangakhoka manglā, ina kakasona, awui eina shokulu kala ali marāzangluilakalu.”

LUKE 4:35

Kha Jishuna makathar manglā chili kaharda hānga, “Akhon mashoklu, awui eina shokhaolu.” Makaphā manglā china ali horkarsanghailaga zakkashi khikha masāla awui eina shokhaowa.

LUKE 4:41

Mi kachungkhawui eina chipeebing china “Na Varewui naomayarana” da panglāk eina vaolaga yāmshoka. Kha ana athumli khararda tuila mamatui ngasakmana, khiwui vangkhala kaja athumna a Khrista china da theihaowa.

OTSAK 16:17

Ana Paul eina ithumwui thi shurda panglāk eina, “Huikhamiwui tuipong nathumli vaomalānkhame mibing hi Juikhamataiya Varewui raobingna” da vaopama.