MARK 1:1 - Kathara Bible (BSI)

¹ Varewui Naomayara Jishu Khristawui paokaphā haokaphok.

MARK 1:1 Iomraidhean Croise

LAA 2:7

Prohowui hukhum ina hāngra: Ana ili hānga, “Na inaomayarana, aja I nawui avāva̱ ngasāhaira.

MATTHEW 14:33

Kala marikhongli tongkasa mibingna ali khorumda hānga, “Kachangkhat na Varewui Naomayaralaka.”

MATTHEW 17:5

Ana matuimahunglakha, yanglu, horchamri kahai muiyāna athumli ngapuikhamhaowa kala muiyālungwui eina akhon akha vaorada, “Hi iwui khaluma Naomayarana, ali Ina ningyāng unglaka, awui kahāng nganālu.”

MATTHEW 3:17

Kala yanglu kazingramwui eina akhon akha vaorai, “Hi Iwui khaluma Naomayarana, Ina ali ningyāng unglaka.”

MATTHEW 4:3

Chieina chipeena ali rāsuida hānga, “Na Varewui Naomayarana jiakha ngalunggui hi khamui onkhavai kasolu.”

LUKE 1:35

Kala kazingrao china ali hānga, “Manglā Katharana nawuitungli tāra, kala juikhamataiawui pangshap china nali rakhayinmira; chiwui vang eina pharāki kaje nao chili kathara Varewui Naomayara hora.

JOHN 1:14

Kala Tui chi asā ngasāhaowa kala lukhamashan kala khamashung pemting eina ithumwui alungli raokthui. Avāvawui Naohonaotong sāda ana samkaphang awui tekhamatei chi ithumna yanga.

JOHN 1:34

Ina chi theihaira kala ina nathumli kahāngna, a Varewui Naomayara chilaka.’”

JOHN 1:49

Nathana-elna Jishuli ngahānkai, “Ojā, na Varewui Naomayarana! Na Israelwui awungana!”

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

JOHN 3:16

Khikhalajila Varena apuk-apagva̱li leishinā kahaiwui vang awui Naohonaotong chi mi, chieina ali shitkasanga mi kachiva̱ mashimānphalungmara kha katang makhavai kharing samphangra.

JOHN 6:69

Ara ithum shitsanghaira, kala ithumna theihaira, Varewui Tharkhamathengapa chi nalaka.”

OTSAK 1:22

Johnna ra̱hikkhamiwui ot sākaphok eina thuilaga Proholi khuikakā eina tangda chiwui alungli kazangabingwui ngachaili akhana ithumli ngasoda ringkhaluiwui pongli shākhi sāphalungra.”

OTSAK 13:24

Jishuna marāranglakha Johnna moreiwui eina ning ngateida ra̱kahikwui tui Israelnao saikorali tamchitheihairasai.

ROMNAO 8:3

Mikumowui phasāna ngazanhaoda ainna masākharar chi Varena sāshapa, chiya Varena Anaomayarali morei shimitmi khavai mikumowui khangachā chi khuingasakta chihorai, kala mikumowui khangachāli khalei morei chi Varena mamayāmana.

ROMNAO 8:32

Anaomayarali mashivāmla ithum saikorawui vang chigatmiakha ithumli ot saikora khalem eina mamimaralā?