LUKE 9:48 - Kathara Bible (BSI)

⁴⁸ kala athumli hānga, “Hikathā naoshinaoli iwui mingwui vang khuikasanga china ili khuikasangna kala ili khuikasanga china ili kashirata ali khuikasangna; kaja nathum saikorawui ngachaili teomeikap kaje china reimeikapa.”

LUKE 9:48 Iomraidhean Croise

CHĀNSAM 18:12

Kashimān marāranglakha miwui ning ngamreka, kha ngahuiri kahaina maikhayā mangāli zata.

MATTHEW 18:10

“Naoshinao kateowa akhalila ningachai kahai masaalu, khikhalajila nathumli kahāng hina kaja athumwui kazingraobingna kazingramli khaleia Ishāvawui mai theichingda lei.

MATTHEW 18:14

Chieina kateowa hibingwui ngachaili akha shiman ngasaki kaji hi kazingramli khaleia iwui Avāwui ningkachāng maningmana.

MATTHEW 19:28

Jishuna athumli hānga, “Kachangkhat eina ina nathumli kahāngna, kadhara oathuili, miwui Naomayarana awui tekhamatei wungpamkhongli kapam tharan, ithi kashura nathumla wungpamkhong tharada khanili pamda Israel shang tharāda khanili bichar sāra.

MATTHEW 25:40

Chieina Awunga china ngahānkāra, ‘Kachangkhat ina nathumli kahāngna, ichinābingwui ngachaili teomeikap kaje akhali nathumna sāmi kahai chi nathumna ili sākhamina.’

MATTHEW 25:45

Chieina ana athumli ngahānkāra, ‘Kachangkhat ina nathumli kahāngna, nathumna teomeikap kaje akhali masākhami chi ili masākhamina.’

MARK 9:37

“Kachikathāna imingwui vang hikathā naoshinaoli khuikasang chi ili khuikasangna; ili khuikasang chi imāngli maningla ili kashirāta alila khuikasangna.”

LUKE 10:16

“Nathumli khanganā mi chi ili khanganāna, kala nathumli makhamayā chi ili makhamayāna, ili makhamayā chi ili kashirātali makhamayāna,” da Jishuna sākhangatha̱bingli hānga.

LUKE 14:11

Kaja khalatta hakkakhuiya mi chili teongasakra kala khalatta teoda kaphaninga mi chili khayā kāngasakra.”

LUKE 22:26

Kha nathumliva chi maningmana, nathumwui ngachaili reimeithui kajena nganuimeikap kaje kala kathāna china otram ngatha̱khame sathalu.

LUKE 22:30

Chiya nathumna iwui wungramli phāshak-phazāpamra kala wungpamkhongli pamlaga Israelwui shang tharāda khaniwuitungli nathumna mungra.”

LUKE 7:28

Ina nathumli kahāngna, sha̱naona kapharāwui ngachaili Johnli reikhamei khipākha maleimana. Chithālala Vare wungramli teomeikap kaje mi china ali reimei.”

JOHN 13:20

Kachangkhat ina nathumli kahāngna, kala ili khamayā chi ili kashirāta chili khamayāna.”

JOHN 14:21

“Kachikathāna iwui ningkhami khuisangda mayonakha a ili leikashena. Ili leikashe chili iwui Avānala leishira; inala ali leishida I khalatta ali phongmira.”

1 THESSALONICANAO 4:8

Chiwui vang eina tui hili mahengkasangapā china mikumoli maningla kha nathumli Manglā Kathara sangkhame Vare chili mahengkasangna.

1 PETER 5:6

Chiwui vang eina nathum Varewui pāngthei kharei chiwui azingli hamsanglu, chithākha awui atam kachāli nathumli khāngchikatra.

PHONGKHAMI 21:14

Keinung chiwui phākho shunkhui khavai ngalungphei tharāda khani lei, kala chili Yaonaowui paokazata tharāda khaniwui aming kapihai.

PHONGKHAMI 3:21

Ina khayui samphangda Ishāvāli ngasoda awui wungpamkhongli ngasokapam thada khayuiyapā chili iwui wungpamkhongli ili ngasopam khavai ina mayāmira.