LUKE 9:45 - Kathara Bible (BSI)

⁴⁵ Kha sākhangatha̱bingna chiwui kakhalat matheimana. Chi athumwui eina ngathummihaoda athumna bhapla matāthuwa kala khangahānla mangahānlengthuwa.

LUKE 9:45 Iomraidhean Croise

MATTHEW 16:22

Kala Peterna ali hokhuilaga kaharphokta hānga, “Varena mamayāmana, Proho! Nali chithada mashoklakmara.”

MATTHEW 17:22

Athumna Galileeli kazipta leilakha Jishuna athumli hānga, “Miwui Naomayarali mibingwui pāngli horsangmihaora,

MARK 9:10

Chieina athumna “Kathiwui eina ringshokra kajiwui kakhalat khikhala,” da ngazek ngarokphokuwa, kha shokkahai otshot chiya athum khalattawui ningli thumhai.

MARK 9:32

Kha athumna awui tamkachithei chi khikhala da bhap matāthuwa kala khangahānla mangahānlengthuwa.

LUKE 18:34

Hāngda khalei tui chi sākhangatha̱bingna akhala bhap matāmana; tui chiwui kakhalat chi athumwui eina ngathummihaoda Jishuna khi kahāngkhala da matheikhuirarthuwa.

LUKE 2:50

Ana kahāng tui chi anina bhap matārarthuwa.

LUKE 9:46

Chitharan athumwui ngachaili khipa reimeikapkhala da athum akha eina akha ngayāt ngaroka.

JOHN 12:16

Chitharan sākhangatha̱bingna matheisāmana, kha matakhak eina Jishuna ringkhalui tharan kathara tuili hānghaikasā athishurda athumna kasāna kaji phaningkhuinaowa.

JOHN 12:34

Yaruina ngahānluishita, “Ithumwui ainli Khrista mathilakmara da hanghai. Kathada miwui Naomayarali khangkāra da hāngpaira? Miwui Naomayara hi khipākhala?”

JOHN 14:5

Thomasna hānga, “Proho nana vāki kaji shongfa ithum matheimana, chili vākhavai shongfa chi kathada ithumna theirakhala?”

JOHN 4:33

Chieina athum akha eina akha, “Kachikathāna ali kashakazā khuiungmihairala?” da ngazek ngaroka.