LUKE 9:39 - Kathara Bible (BSI)

³⁹ kala yanglu, makathar manglāna ali singhaida kashuirak eina vaoshokphaphai; akhamorli aporhop mashokranglakha eina tangda sheikharota kala shireikharotta machihomingaiki ji.

LUKE 9:39 Iomraidhean Croise

MARK 9:18

kameo china nganurhaiakha nao chi ngaleili saosangda aporhop tarārā shoklaga ahāla kajetta phasāla mararshaphaowa; chiwui vang nawui sākhangatha̱bingli kashamshokmi khavai kahāng tharan athum masāmirarthuwa.”

MARK 9:20

Athumna nao chi awuili khuirai; kala kameo china Jishuli theikhaleoda naoshinaopā chili nganurkazama kala ngaleili saosangda ngaleokazamlaga khamorli aporhop hiyaya shoka.

MARK 9:26

Kala panglak eina chapta ali khanukazamhailaga shokhaowa, kala nao chi kathi angun thāhaowa; chieina athum kachungana, “A thihaira” da hānga.

LUKE 4:35

Kha Jishuna makathar manglā chili kaharda hānga, “Akhon mashoklu, awui eina shokhaolu.” Makaphā manglā china ali horkarsanghailaga zakkashi khikha masāla awui eina shokhaowa.

LUKE 8:29

Kaja ana makathar manglā chili mipa chiwui eina shokhaolu da kasohairasai. (Kaja china tarākhashida ali singhaoda ali khamayon mila phāsanga, marikhānghui einala khalapa kala zurthing einala narhai, kha khalap kahai saikora nganurshatlaga kameo china ali lamhāngli kashamvāhaowa.)

LUKE 9:38

Kala yanglu, mibing chiwui eina mi akhana vaorai, “Ojā, inaoli khayangmilu, kaja a iwui akhamāng kaje naona;

LUKE 9:40

Kala kashamshokmi khavai nawui sākhangatha̱bingli ina poi, kha athumna masāmirarthuwa.”

JOHN 8:44

Nathum nathumwui avāva̱ chipee chiwuina, chieina nawui sākhangaiva nathumwui avāwui ningkachāng kasā china. Haokaphokwui eina a mi khayumana, kala khamashung ot masālakmana, kaja awuili khamashung maleimana. Kakapik hi awui khangachāna, kaja a kakapikana kala kakapik saikorawui avāva̱na.

1 PETER 5:8

Mikringda ngasharlu, nathumwui yangkashe chipee chi kazingkha̱ thada nirlaga kachikathāli shaikhavai zatung zatvāda phāzatta lei.

PHONGKHAMI 9:11

Athumwuitungli awunga akha lei, chi makatang leizingkhurwui kazingraona, awui ming Hebrew tuili Abaddon hoi, Greek tuili Apollyon (Kakhalatna “Sākakhaiya”) hoi.