LUKE 9:34 - Kathara Bible (BSI)

³⁴ Ana chi hāngmahunglakha athumli muiyāna rangapuirora; kala muiyā china ngapuiror kahai eina athum ngacheeshunhaowa.

LUKE 9:34 Iomraidhean Croise

ISAIAH 19:1

Egyptwui pongli khamarān tui: Yanglu, Prohona kathaka muiyā tongda Egyptli tai; kala Egyptwui meoma̱bing awui mangāli kathirra; kala Egyptnaobingwui wuklung khalatta menghaora.

DANIEL 10:8

Chieina imāngli nothahaida hakkhamahā khamahā chi yangpama, kala I yāng kānhaowa; iwui kahora maipān onching onhaowa, kala I pangshap maleithuwa.

LUKE 9:33

Mi khani china Jishuwui eina thuikahai eina, Peterna ali hānga, “Amei, ithum hili leikasā phālakhaira; ithumna rāmnao kathum sākhuisa, nawui vang akha, Moseswui vang akha kala Elijahwui vang akha”— Ana khi kahāngkhala kaji matheimana.

LUKE 9:35

Kala muiyālungwui eina akhon akha vaorāda hānga, “Hi iwui Naomayara, iwui Kapangkakhuiana; awui tui nganālu:”

PHONGKHAMI 1:17

Ali theilaga I kathi thada awui pheizingli pizanghaowa. Kha awui yāpāng ili parza̱da hānga, “Mangacheealu! I khare eina khanaowana,

WUNGVA̱-WUNGVĀ 13:22

Kala Monoahna apreiva̱li hānga, “Ini mashoila thilakra, kaja inina Vareli theihaira.”

WUNGVA̱-WUNGVĀ 6:22

Prohowui kazingraona kaji kathei samphanghaoda Gideonna hānga, “Iyavo, O Proho VARIVARA! Ara ina Prohowui kazingraoli mai eina mai yangngasungda kathei samphanghaira.”