LUKE 9:33 - Kathara Bible (BSI)

³³ Mi khani china Jishuwui eina thuikahai eina, Peterna ali hānga, “Amei, ithum hili leikasā phālakhaira; ithumna rāmnao kathum sākhuisa, nawui vang akha, Moseswui vang akha kala Elijahwui vang akha”— Ana khi kahāngkhala kaji matheimana.

LUKE 9:33 Iomraidhean Croise

LAA 27:4

Prohowui eina ot akha ina pokahai chiya, iwui mirin peida Prohowui shimli pamkhavai, Prohowui khamathā chi yangpam khavai, kala Khorumshimli ali phākhui khavaina.

LAA 73:28

Kha iwui vanga Vareli khanganai phāshuna, Proho VAREli iwui ngayin khavai sāhaira, chiya ina nawui otsak saikorawui pongli hāngra.

MATTHEW 17:14

Athumna yaruili latkhaung tharan kachikathā mi akhana awui mangāli rākhuktizangda hānga,

MATTHEW 17:4

Kala Peterna Jishuli hānga, “Proho, ithum hili leikasā hi phālakhaira. Nana mayāmiakha nawui vang akha, Moseswui vang akha kala Elijahwui vang akha da ina rāmnao kathum sāmiga.”

MARK 10:38

Kha Jishuna anili hānga, “Nanina kapo chi khikhala da nani matheimana. Ina khamang tengkot chi nani mangshaprala kala ili ra̱kahik chi ra̱hikshaprala?”

LUKE 5:5

Chieina Simonna ngahānkai, “Amei, ithumna ngayā pongda phāhaira, kha khikhala masamphangmana. Chithālala nawui kakaso athishurda ina horsangluiga.”

LUKE 9:34

Ana chi hāngmahunglakha athumli muiyāna rangapuirora; kala muiyā china ngapuiror kahai eina athum ngacheeshunhaowa.

LUKE 9:49

Johnna hānga, “Amei, mi akhana nawui ming singda kameo kashamkashok ithumna thei, kala ali ithumna chithada masāluialu da khāmhaowa, khikhalajila a ithumwui mi maningmana.”

JOHN 14:8

Philipna hānga, “Proho, Avā chi ithumli chitheimilu, ithum ningyangunglakhaora.”

2 CORINTHNAO 4:6

“Tangkhamangwui eina kahor shokranu” da kahānga Vare china Khristawui maili Varewui tekhamateiwui kahor chi theikhui khavai ithumwui wuklungli hormihaira.