LUKE 9:3 - Kathara Bible (BSI)

³ Chieina athumli hānga, “Nathumwui shongzāli khāmshuila, paidula, zātromla, lupāla makhuiphunglakalu; kala phahonla khani makhuiphungalu.

LUKE 9:3 Iomraidhean Croise

LAA 37:3

Proholi shitsanglu kala kaphā sālu, chieina nana ram chili sompamra, kala ning tāphuphaira.

MARK 6:7

Ana tharāda khani chili hokhuida khanini eina chihovai kala athumli raih kashamshok khavai pangshap mi.

LUKE 12:22

Chieina Jishuna awui sākhangatha̱bingli hānga, “Chiwui vang eina ina nathumli kahāngna, nathumwui mirinli khi zāra, naphasāwui vang khi ngavaira da malung maringalu.

LUKE 12:28

Kha aja luili wonlaga akhama meili horsanghaoki kaje awonrongbingli Varena chiyākha mathada samiakha nali ana kayākha mataimeida samirakhala? Oh, shitkasang khangazanbing!

LUKE 22:35

Chieina ana athumli hānga, “Ina nathumli lupākhaola, paidula, pheihopla mazangla chihokhavā tharan nathum khikha khavāt leihaolā?” “Khikha khavāt maleimana” da athumna ngahānkai.

LUKE 3:11

Ana athumli ngahānkai, “Phahon khani khaleia mi china akhala makhaleia mipā chili ngayarmilu; kala kashakazā khaleia chinala makhaleia chili chithada miranu.”

LUKE 5:29

Chiwui thili Levina ashi shimli Jishuwui vang zātkhān kahaka akha sai; phazāt chili khāshinā khalokabing kala khangatateibingla zangda mi kachungkha kazipa.

LUKE 9:4

Nathumna vākazang shim chili thada pamlu, kala chiwui eina zatphoklu.

2 TIMOTHY 2:4

Akhavāli ningyāng ungngasaki kaji raimi khipānakha yarui ashangva̱wui mirin maphāzatmana.