LUKE 9:20 - Kathara Bible (BSI)

²⁰ Ana athumli ngahānluishita, “Kha ili nathumna khipāna da phaningkhala?” Chieina Peterna, “Varewui Khrista china” da ngahānkai.

LUKE 9:20 Iomraidhean Croise

MATTHEW 22:42

“Nathumna Khrista chi khipāna da phaningkhala? A khipāwui naomaryarakhala?” “A Davidwui naomayarana” da athumna ngahānkai.

MATTHEW 26:63

Kha Jishuna khikha mangahānkāla kasainakha pamhaowa. Chieina pāngmon kharei china ali hāngluishita, “Ina kharinga Vareli mingzaida kahāngna: na Varewui Naomayara, Khrista china jiakha ithumli hānglu.”

MATTHEW 5:47

Nathumna nachi nāngarāmāngli ngahānngaiakha kateibingli nathumna mataimeida kasā khi leikhala? Vareli makatheibingnala chithada masāmalā?

MARK 14:61

Kha Jishuna khikha mangahānkāla kasainakha pamhaowa. Chieina pāngmon kharei china ali ngahānlui, “Sokhame Varewui Naomayara Khrista chi nala?”

MARK 8:29

“Kha nathumna ili khipāna da phaningkhala?” da ngahāna. Peterna “Na Khrista china” da ngahānkai.

LUKE 22:67

“Na Khrista china jiakha ithumli hānglu.” Kha ana ngahānkai, “Ina nathumli hānglala nathum mashitsangmara;

LUKE 9:19

Chieina athumna. “Mi kaikhana John Ra̱hikmena ji, kha kaikhana Elijahna ji kala khangatei kaikhana achālakhawui marānbingwui ngachaiwui eina akha ringkashokna ji” da ngahānkai.

JOHN 1:41

Ana hengsāda ama Simonli samphangda hānga, “Ithum Messiahli samphanghaira.” (Tui hiwui kakhalatva Khrista kajina).

JOHN 1:49

Nathana-elna Jishuli ngahānkai, “Ojā, na Varewui Naomayarana! Na Israelwui awungana!”

JOHN 11:27

Ana “Mha, Proho, apuk-apagva̱li rāki kaje Varewui Naomayara Khrista chi nalaka” da ngahānkai.

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

JOHN 4:29

“Rāyanglu, ina sākahai saikora hāngmishapa mi akha lei, hi Khrista chiralā?”

JOHN 4:42

Athumna sha̱naopava̱ chili hānga, “Nana kahāng chiwui vangmāng ithumna shitkasang maningmana, kha ithum khalattana awui tui shāhaira kala a hi okathuiwui Huikhamelaka da ithumna theihaira.”

JOHN 7:41

Kaikhana hānga, “A Khrista china.” Kha kaikhana “Khrista hi Galileewui eina rāmaraola?

OTSAK 17:3

kala Khrista kachotkachāng phunglaga kathiwui eina ringshokphalungra kaji hi shākhi khami eina ngasoda tui chi meikhaichitheida Paulna hānga, “Ina hāngchitheida khalei Jishu hi Khristalaka.”

OTSAK 8:36

Anina zatmamānda leilakha tara̱ khaleipam akhali vāshunga. Chieina akhavā china hānga, “Yanglu, hili tara̱ leili, ili ra̱hikmikida khi pankhavai leikhala?”

OTSAK 9:22

Kha Saulna tamkachitheiwui pangshap mataisangmamānda Jishu hi Khristalaka da theishingkhui khangasak eina Damascusli kapama Jihudibing chili pa̱ngapā ngasakhaowa.

1 JOHN 5:1

Jishu hi Messiahna da shitkasanga mi chi Varewui naona, kala Avāva̱li leikashe mi china Anaolila leishi.