LUKE 9:2 - Kathara Bible (BSI)

² Ana athumli Vare wungramwui pao hāshok khavai kala kazāt raimi khavai shivāta.

LUKE 9:2 Iomraidhean Croise

MATTHEW 10:5

Jishuna tharāda khani chili ningmida shivāta: “Gentilebingwuili mavālu, kala Samarianaowui keinungli mazangalu,

MATTHEW 13:19

Kachikathā akhana wungramwui tui shālaga bhap makatā tharan nawui wuklungli yaosang kahai athā chi chipee china rāyonthuiya; chi shongfapheili yaosang kahai kathāna.

MATTHEW 24:14

Kala wungramwui paokaphā hi miyur hupta shākhi mikhavai okathui peida hāshokra, kala chiwui thili khangachang chi rāra.

MATTHEW 3:2

“Ningngateilu, kaja kazing wungram nganaishunhaira.”

MARK 16:15

Ana hānga, “Okathui apam katongali vālu kala miyur saikorali paokaphā hi hāshoklu.

MARK 6:12

Chieina athumna vāda ningngatei khavai pao hāshoka.

LUKE 10:1

Chiwui thili Jishuna khangatei hangshinili kapangkhuida ana vāki kaji keinung kachiva̱li mi khanini eina ali rida chihovai.

LUKE 10:11

‘Nathumwui makhamayāwui vang ithumwui pheili kakā nathumwui keinungwui chifa eina tangda kathangkatāna. Kha hi theilu kaja Vare wungram chi nganailakhaira.’

LUKE 10:9

chili kakazā khaleibingli raimilaga, athumli ‘Vare wungram chi nathumli ranganailakhaira’ da hānglu.

LUKE 16:16

“Ain kala marānbingwui tui chi Ra̱hikme Johnwui thot eina tangda leisai, chiwui thili Vare wungramwui paokaphā hi hāshokphoka; kala mi kachiva̱na chili nganurzanga.

LUKE 9:11

Kala chi shālaga mi kachungkha athi shurrai; kala ana athumli mathānthathup samphangda Vare wungramwui pongli tamchithei kala kazāt raimi ngasak khangaibingli raimi.