LUKE 9:16 - Kathara Bible (BSI)

¹⁶ kala khamui phangā khaih khani chi ana singkhuilaga kazingramli yangkāda sokhami pomi kala khamui chi serkhaida yaovā khavai sākhangatha̱bingli mi.

LUKE 9:16 Iomraidhean Croise

MATTHEW 14:19

Chiwui thili Jishuna yarui saikorali khawotungli pamzang khavai kasoi, kala khamui phangā eina khaih khani chi khuilaga kazingramli yangkāda somi, kala serkhaida khamui chi sākhangatha̱bingli mi, sākhangatha̱bingna yaruili yaowa.

MATTHEW 15:36

ana khamui shini kala khai chi khuilaga ningkashi seihā sai kala serkhailaga sākhangatha̱bingli mi, chieina athumna yaruili yaowa.

MARK 7:34

kala ngahuida kazingram yangkāda hānga, “Ephphatha” kaja “Shohaolu” kajina.

LUKE 22:19

Chiwui thili ana khamui khuida ningkashi mijang kahai eina serkhailaga athumli mida hānga, “Hi iwui asāna, nathumwui vang mikahaina. Ili phaningungda hi sāchinglu.”

LUKE 24:30

Phazāuki kaji eina ana khamui khuida seihā sālaga serkhaida ngayarmi,

LUKE 9:15

Chieina kahāng chi tākam eina athumli pamngasaka,

LUKE 9:17

Chieina mi saikorana shailaga penlakhaowa kala athumna shaineng luk tharāda khani kazipkhui.

JOHN 6:11

Jishuna khamui chi khuida seihā samihailaga kapambing chili yaowa. Khaih chila khuida chi tākam eina sai, kala mi saikora thoserhaowa.

JOHN 6:23

Chitharan Tiberiaswui eina kharā marikhongbing chi, Prohona seihā sālaga mi kachungkhali khamui mikashai apam chiwui ngalemli rāngasāma.

OTSAK 27:35

Paulna hi hāngchanghailaga khamui khuida athum saikorawui miktāli Vareli ningkashi mihailaga serkhaida shaiphokkuwa.

ROMNAO 14:6

Kachikathā mina kachikathā zimiksho akhali saklak eina kaphaning chi Proholi khayākashina, kaja kachikathāna shaiser kaji chi Proholi khayākashiwui vangna, khikhalajila ana kashakazāwui vang Vareli ningkashi mi. Kachikathāna mashai-mashakphāphā kajila Proholi khayākashiwui vangna, anala Vareli ningkashi mi.

1 CORINTHNAO 10:30

ina Vareli ningkashi mikahai kashakazā chiwui vang mina khi hāngkhavai leikhala?” da hānga.

1 CORINTHNAO 11:24

Vareli ningkashi mijanghailaga serkhaida hānga, “Iwui phasā hi nathumwui vangna, hi ili phaningung khavai sālu.”

1 SAMUEL 9:13

Ana phazā khavai kaphung kajuili makāranglakha, nanina keinung lungli zangkhaleoda ali samphanghaora; kaja pha̱kaphayā hili ana somiki jihaoda, ana masomiranglakha khipākha mazāmara; chiwui thili horākahaibing saikora zānaora. Kaulu, samphangngalanghaora” da athumna hāngmi.