LUKE 9:11 - Kathara Bible (BSI)

¹¹ Kala chi shālaga mi kachungkha athi shurrai; kala ana athumli mathānthathup samphangda Vare wungramwui pongli tamchithei kala kazāt raimi ngasak khangaibingli raimi.

LUKE 9:11 Iomraidhean Croise

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

MATTHEW 12:15

Khangarān kasā chi theilaga Jishuna apam chiwui eina thuihaowa. Kala mi kachungkhana athi shurvai kala athumwui kazāt saikora raimi,

MATTHEW 14:14

Jishuna ngayipheili kashok eina mi kachungkha chili theilaga lumashanlakhaoda athumwui kazātla raimi.

MATTHEW 21:31

Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

MATTHEW 21:43

Chiwui vang eina ina nathumli kahāngna, Varewui wungram chi nathumwui eina khuithuihailaga athei mathei khangasaka yur akhali mihaora.”

LUKE 1:53

Ana kathaibingli kaphā ot eina thongasaka, kala kashāngbingli khamasai eina chihohai.

LUKE 5:31

Chieina Jishuna athumli ngahānkai, “Kazāt makhaleibingna khanong mahomana, kha kakazābingna kahona;

LUKE 8:1

Khaleilaga Jishuna Vare wungramwui paokaphā khuiphungda keinungbing kala kha̱bingli hāshokvai. Kala tharāda khani chi ali ngayurzata.

LUKE 8:10

ana hānga, “Nathumli Vare wungramwui khangathuma tui chi theikhui khavai pangshap mihaira; kha khangateibingwui vanga chānjam thada lei. Chiwui vang eina athumna yanglala matheimara kala shālala bhap matāmara.”

LUKE 9:10

Paokazatabingna latkhaung eina athumna sākahai saikora ali unghānga. Kala Jishuna athumli thānphungda Bethsaida kaho keinung chili angasāma.

LUKE 9:12

Chitharan kazingla yinguki jihaoda tharāda khani china ali rāhānga, “Yarui hili chihohaolu; chithākha athumna kha̱kha̱li kala chiwui luinganaili vāda athumwui kashakazā, kapi-kapam angarānpaira, kaja hili khikha maleimana.”

LUKE 9:2

Ana athumli Vare wungramwui pao hāshok khavai kala kazāt raimi khavai shivāta.

JOHN 4:34

Kha Jishuna hānga, “Ili kashirātawui ningkachāng ot kasā kala chi ungshung khangasak chi iwui kashakazāna.

JOHN 6:37

Avāna ili khamibing saikora china ili rāra, kala ili kharā mi chili ina mahorhaimara.

OTSAK 28:31

Vare wungramwui pao hāshoka kala Proho Jishu Khristawui pongli sheikakhaut maleila phongshar eina tamchithei.

ROMNAO 10:14

Kha athumna ali mashitsangakha kathada ngakaopairakhala? Kala athumna pao chi mashākha kathada shitsangrakhala? Kala pao chi mahāshokakha athumna kathada shārakhala?

ROMNAO 10:17

Chithada sāda kashā eina shitkasang shoka kala Khristawui apong hākashok eina kashā samphanga.

ROMNAO 15:3

Khristana a khalattawui ningyāng khaung maphāmana; kha hithada kapihaida lei: “Nali mana̱kashibingwui mana̱kashi chi iwuitungli tāhaira.”

2 TIMOTHY 4:2

Tui chi hāshoklu, kumkashok kumkazang mayangalu, theikhui ngasaklu, machinlu, katomlu, ningzingharingda tamkachithei machokchaihailu.

HEBREWNAO 4:16

Chiwui vang eina lukhamashan khaleipam Varewui wungpamkhongli chihansa̱ vāsa. Chili ithum lukhamashan samphangra kala ithumna khavāt tharan ngachonmi khavai lukhamashan samphangra.