LUKE 9:1 - Kathara Bible (BSI)

¹ Chiwui thili Jishuna tharāda khani chili hokhuida kameo kashamshok khavai kala kazātyur saikora raimi khavai sāshapla pangshapla mi.

LUKE 9:1 Iomraidhean Croise

MATTHEW 16:19

Ina nali kazing wungramwui sho chi mira, kala nana okathuili khalap kahai chi kazingramlila khalaphaira, kala nana okathuili khalākhami chi kazingramlila khalāmira.”

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

MATTHEW 8:9

kaja ila iwui azingli shipai ngavālaga akhavābingwui azingli ot kasā mina, kala iwui azinglila raimi tarākha lei; kala ina akhali ‘Vālu’ jiakha ana vai, kala khangatei akhali ‘Rālu’ jiakha ana rai kala iwui raoli ‘Hi sālu’ jiakha ana chi sai.”

LUKE 10:1

Chiwui thili Jishuna khangatei hangshinili kapangkhuida ana vāki kaji keinung kachiva̱li mi khanini eina ali rida chihovai.

LUKE 10:19

Yanglu, nathumli phara̱ eina seithattungli naizatshap khavai kala yangkashewui pangshapli yuishap khavai ina sāshap pangshap mihaira; khinakhala nathumli khamā mazararmara.

JOHN 14:12

Kachangkhat ina nathumli kahāngna, kachikathāna ili shitsangakha ina kasā ot chi ala sāshapra, hakkhamei ot eina tangda sāra, kaja I Avāwuili vāhaora.

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 3:16

Awui mingli shitkasang china nathumna theida khalei mipa hili pangngasakhaira, kala Jishuwui mangā eina shitkasang china nathum saikorawui mangāli awui phasā pongngasakhaira.

OTSAK 4:30

Raimi khavai napāng katingshokmilu kala nawui kathara rao Jishuwui ming kasing mangā eina matakhak kahai kala machutkakhui sapai khavai mayāmilu.”

OTSAK 9:34

“Aeneas,” Peterna ali hānga, “Jishu Khristana nali phāngasakhaira. Ngakarthuida nawui pet masankhuilu.” Chieina ana ngalāngda ngakarthui.