LUKE 8:52 - Kathara Bible (BSI)

⁵² Mi saikorana kathiwui vang khanangda chapngachālaga leisai; chieina Jishuna hānga, “Machapalu, kaja a thikahai maningmana kha pida khaleina.”

LUKE 8:52 Iomraidhean Croise

HAOKAPHOK 23:2

Sarah Canaan ngaleili khalei Kiriath-arba (chiya Hebron) li thihaowa; kala Abrahamna Sarahwui vang wukkhanangda chapngachai.

2 SAMUEL 18:33

Kala awunga ning chotnāhaida ngaveiwui pamkhavai chili kāda chaphaowa, kala ana zatmamānda “O inao Absalom, inao, inao Absalom! Nawui vang I mathikapai, O Absalom, inao, inao” da ana chapa.

SHONGZĀ 24:17

Prohowui tekhamatei azak chi Israelnaobingwui miktāli phungreiton chili mei kachui thai.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

MATTHEW 11:17

‘Ithumna nathumwui vang sipa̱ khongmilala; nathumna pheichak machakmana, ithumna thishamlaa sālala; nathumna machapmana.’

LUKE 23:27

Kala mi kachungkhala shurvai. Chiwui ngachaili Jishuwui vang malungringda chapkhangachā, sikafa sha̱naobingla zanga.

LUKE 23:48

Kashokshok saikora yangkhavai kazipkasā mi saikorana otshot chi theida malungkaphelaga shim hanungserhaowa.

LUKE 8:51

Ana shim chili vākashung eina Peter, John, James kala nao chiwui ava̱ avā maningla mi khipālikha shimlungli ali ngasoda mazang ngasakmana.

LUKE 8:53

Athumna ngalāva̱ chi thihaira kaji theihaoda ali mana̱shi.

JOHN 11:4

Jishuna pao chi kashā eina hānga, “He thitchangki kajiwui kazāt maningmana, kha Vareli tekmatei khavaiwui vangna, chieina Varewui Naomayarana tekhamatei samphang khavaiwui apongna.”