LUKE 8:50 - Kathara Bible (BSI)

⁵⁰ Kha Jishuna chi kashā eina ali hānga, “Mangacheealu. Thada shitsangmalu, chithākha a ringra.”

LUKE 8:50 Iomraidhean Croise

ISAIAH 50:10

Nathumwui alungli Proholi khipāna ngachee, kala awui raowui khon khipana nganāli, tangkhamangli zatta kahor makathei, chithālala Prohowui mingli shitsangda Vareli kachihama khipākhala?

MARK 5:36

Kha Jishuna manganāsangmila synagoguewui akhavā chili hānga, “Mangacheealu, thada shitsangmalu.”

MARK 9:23

Jishuna ali hānga, “Samipaiakha kajila? Shitkasanga awui vanga ot saikora sapaisera.”

LUKE 8:48

Chieina Jishuna ali hānga, “Inao ngalāva̱, nawui shitkasang china nali raingasakhaira. Chingri eina ungulu.”

LUKE 8:51

Ana shim chili vākashung eina Peter, John, James kala nao chiwui ava̱ avā maningla mi khipālikha shimlungli ali ngasoda mazang ngasakmana.

JOHN 11:25

Jishuna ali hānga, “Iya ringkhaluia kala kharingana. Kachikathāna ili shitsangakha thihaisālala ringra;

JOHN 11:40

Jishuna ali hānga, “Nana shitsangakha Varewui tekhamatei theira da ina mahāngmala?”

ROMNAO 4:17

Hithada kapihaida lei: “Ina nali yur kachungkhawui avāva̱ sāngasakhaira.” Chieina Abrahamna shitkasanga katheli ringkhangasaka kala khikha maleikasāwui eina semkhuikashapa Vare chiwui mangāli tuingashit chi phālak kahai otna.

ROMNAO 4:20

Ana Varewui tuingashitli shitkasang mangacheilakmana, kha Vareli masot mida awui shitkasang ngatarmamāna.