LUKE 8:42 - Kathara Bible (BSI)

⁴² Kaja awui naongalāva̱ akhamāng kaje kum tharāda khani sha̱kha rarkahaiva̱ chi kazāda thinanai leisai. Ana zatmamānlakha mi kachungkhana ali puiruida ngaheizanga.

LUKE 8:42 Iomraidhean Croise

JOBWUI LAIRIK 4:20

Ngathor eina ngazinwui alungli athumli sākazamhaowa, kala shimānhailala khikha theikhami maleimana.

HĀSHOKME 6:12

Kaja khaya̱ thāda, kanthui kahai aremawui mirin ringlakha miwui vang kaphā chi khikhala kaji khipāna theikhala? Kaja awui thili okathuili khi shokrakhala kaji khipāna hāngshapra?

EZEKIEL 24:16

“Miwui naomayara, yanglu, nawui mikli khangayam chi ina kashuirak eina khuithuimihaora, chithālala nana masifamara kachapla machapmara, nawui chāra̱la malongtāmara.

EZEKIEL 24:25

“Kha na, miwui naomayara, athumwui raipan, athumwui khamathān khamareo, mikwui khangayam, athumwui ningwui kakahao, anaongarā sha̱nao mayarnao, ina khuikathui tharan,

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

MARK 5:24

Chieina Jishuna ali ngasovai kala mi kachungkhala shurvada ali puiruizata.

LUKE 7:12

Ana keinung chiwui ngavei vākashung tharan, yanglu, yaronnao akha thihaida ngazonshokrāsai. A ra̱meiva̱ akhawui akhamāng kaje naomayarana, chili keinung chiwui mi kachungkha ngasozatsai.

LUKE 8:41

Chitharan Jairus kaho Synagoguewui akhavā akha apam chili rai, kala Jishuwui pheizingli ngakhumzangda ashi shimli kharāmi khavai poi.

LUKE 8:43

Chitharan zingkum tharāda khani ashee ngaya̱haida khipānakha maraimikharar sha̱nao akha,

LUKE 8:45

Chieina Jishuna ngahāna, “Ili rāsākaza̱ chi khipākhala?” Saikorana I maningmana jiser kahai eina Peterna hānga, “Amei, nali mi kachungkhana puiruikhamda ngaheikazamda leili!”

ROMNAO 5:12

Morei hi okathuili mi akhawui eina haophoka kala morei china kathi khuirai. Hithada sāda kathi hi mi saikorali rāshunghaowa, kachiwui vangkhala kaja mi kachiva̱na morei sāhaowa.