LUKE 8:38 - Kathara Bible (BSI)

³⁸ Kameo zangkasa mipa china ali shurkhavai poi.

LUKE 8:38 Iomraidhean Croise

LAA 116:12

Ili ana sākhami saikorawui vang, ina Proholi khi runra̱khala?

LAA 116:16

O Proho, I nawui raona; I naraona, narao sha̱naowui naomayarana. Ili khalap kahai nana khalāmihaira.

LAA 27:4

Prohowui eina ot akha ina pokahai chiya, iwui mirin peida Prohowui shimli pamkhavai, Prohowui khamathā chi yangpam khavai, kala Khorumshimli ali phākhui khavaina.

LAA 32:7

Na iwui ngathum khavai pamna, kakhanangwui eina nana ili thummi; nana ili huikhami eina ili kuinammi.

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

LUKE 8:28

Ana Jishuli kathei eina vaolaga awui mangāchangli ngakhumshām eina panglāk eina hānga, “Reikhamataia Varewui Naomayara Jishu, nana ili khi sāki kajikhala? Ili marekharekmialu.”

LUKE 8:37

Chieina Gerasa ngaleiwui kuikhamareili kapāna mibing saikorana ali athumwui eina thuimihaolu da poi; kaja athum ngacheenāhaowa. Chieina ana marikhong tongkhuiphungda latunghaowa.

LUKE 8:39

Kha Jishuna ali “Nashi shimli latungulu kala Varena nali kayākha samihaira̱khala kaji unghāngchitheilu.” da hānglaga chihohaowa. Chieina mipa china Jishuna awui vang kayākha sāmihairakhala kaji keinung katonga chili unghānga.

PHILIPPINAO 1:23

Khani hiwui ngachaili kapangkhui khavai iwui vang saklaka. Thihailaga Khristali ngasokapam hi iwui ningkachāngna, chi phāmeikhara.