LUKE 8:35 - Kathara Bible (BSI)

³⁵ Chieina mibing china khi shokhaokhala da ayang khavai vai kala athumna Jishuwuili vākashung eina kameo shokkahai mipa chi kashankachon ngavailaga ning mathingrik eina awui ngalemli pamkasa theida athum ngacheelakhaowa.

LUKE 8:35 Iomraidhean Croise

LAA 51:10

O Vare, ili wuklung kathar semsangmilu, kala kadhara kala khamashunga manglā sangmilu.

ISAIAH 53:12

Chiwui vang eina ina ali khareiabingli ngasoda awui yar ngayarmira, kala ana kapingabingli ngasoda khangapon chi ngayarra, kaja ana kathi eina tangda manglā chihomi, kala khayonbingwui mishānli shānruma; chithālala ana kachungkhawui morei phungmi, kala khayonkhamāngbingwui vang pomi.

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

MARK 5:15

Athumna Jishuwuili kharā tharan legion kazanga mipa chi ning mathingungda kashankachon mathāsek eina ngavailaga pamkasa chi theilaga athum ngacheelakhaowa.

LUKE 10:39

Kala agatuiva̱ Mary kaho akhala leisai, ana Jishuwui pheizingli pamda awui tamkachithei chi nganāpama.

LUKE 15:17

Ning mathingkhaung eina ana hānga, ‘Iwui Avāna masākakhui rao saikora athumwui zāshapli lāngmeida samphanga, kha ina apam hili kathaina thiki jiura!

LUKE 2:46

Zimiksho kakathumathang Jishuna khorumshimli ojābingwui ngachaili pamda athumwui tuila nganā kala khangahānla sāda leikasā chi athei.

LUKE 8:27

Ana ngalei kathengli karkashok tharan raih kazanga mi akha keinung chiwui eina rāngaroka; atam kasāngkha kashankachon mangavaila kala shimlila mapamla chikhurpamli pamhairasai.

LUKE 8:34

Hok kahombing china shokkahai chi theilaga ngasamungda keinunglila, kha̱lila unghāngchithei.

OTSAK 22:3

“Iva Cilicia ngaleili khalei Tarsusli kapharā Jihudi akhana, kha Jerusalemli Gameli-elwui katamnao akha sāda rarkai, ithumwui avā ngarabingwui khangazip ainwui lungli tamkakhui samphanga kala aja hili khalei nathum thada ila Vareli chigatchao kahai mina.

1 JOHN 3:8

Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.