LUKE 8:34 - Kathara Bible (BSI)

³⁴ Hok kahombing china shokkahai chi theilaga ngasamungda keinunglila, kha̱lila unghāngchithei.

LUKE 8:34 Iomraidhean Croise

MATTHEW 28:11

Sha̱nao khani china shongfali zatlakha chikhur khamayona shipai kaikhana keinungli vālaga pāngmon akhokabingli shokkahai saikora chi hāngchithei.

MATTHEW 8:33

Hok kahombing china keinungli ngasamunglaga kashok otshot saikora kala kameo kazanga khani chili khi shokhaokhala kaji unghāngchithei.

MARK 5:14

Hok kahombing china kha̱li kala keinungli yongungda pao chi unghānga. Chieina mibingna khi shokhaokhala da ayanga.

LUKE 8:33

Chiwui vang kameobing china mipāwui eina shoklaga hok ashangva̱ chili vāzanghaoda hokbing china amai tarenli yongkachup tāda ngayili hikthatserhaowa.

LUKE 8:35

Chieina mibing china khi shokhaokhala da ayang khavai vai kala athumna Jishuwuili vākashung eina kameo shokkahai mipa chi kashankachon ngavailaga ning mathingrik eina awui ngalemli pamkasa theida athum ngacheelakhaowa.