LUKE 8:29 - Kathara Bible (BSI)

²⁹ Kaja ana makathar manglā chili mipa chiwui eina shokhaolu da kasohairasai. (Kaja china tarākhashida ali singhaoda ali khamayon mila phāsanga, marikhānghui einala khalapa kala zurthing einala narhai, kha khalap kahai saikora nganurshatlaga kameo china ali lamhāngli kashamvāhaowa.)

LUKE 8:29 Iomraidhean Croise

MARK 5:8

Kaja “Makathar manglā, mipa hiwui eina shokulu” da Jishuna hanghairasai.

LUKE 8:28

Ana Jishuli kathei eina vaolaga awui mangāchangli ngakhumshām eina panglāk eina hānga, “Reikhamataia Varewui Naomayara Jishu, nana ili khi sāki kajikhala? Ili marekharekmialu.”

LUKE 8:30

Jishuna ali, “Nawui ming khipā hokhala” da ngahāna. Chieina ana, “Ili Legion hoi” da ngahānkai; kaja kameo kachungkha ali zanghaowa.

LUKE 9:39

kala yanglu, makathar manglāna ali singhaida kashuirak eina vaoshokphaphai; akhamorli aporhop mashokranglakha eina tangda sheikharota kala shireikharotta machihomingaiki ji.

LUKE 9:42

Naoshinaopā china zatrāmahunglakha kameo china ali ngaleili horkarsanghaowa. Kha Jishuna raih chili shokthui khavai kasoi, chieina naoshinaopā chi raihaoda avāva̱li mihaowa.