LUKE 8:25 - Kathara Bible (BSI)

²⁵ Chiwui thili ana athumli hānga, “Nathumwui shitkasang kachili leikhala?” Chieina athumna matakhaknāhaida khangacheela ngacheenāhaida akha eina akha “Hi kachikathā mida, ana kakaso eina masinala, tara̱nala awui kahāng khanganākhala?” da ngazek ngaroka.

LUKE 8:25 Iomraidhean Croise

CHĀNSAM 30:4

Khipāna kazingramli kālaga tunghaira? Khipāna masi apāng eina ngashumkhuihaira? Khipāna kachon eina tara̱ romkhuihaira? Khipāna okathui achikun peida sākhui? Awui ming khipa ho, anao mayarawui ming khi ho? Nana theilaka!

CHĀNSAM 8:29

shamadruwui angarit sākhami tharan, awui kakaso kaida tara̱na malongzatphāphāpai khavai ana okathuiwui apam ngayeikhami tharan,

MATTHEW 14:31

Jishuna ngalāngda apāng katingvālaga ali yonkhuida hānga, “He shitkasang kateowa mi, khisāda ningmaongkhala?”

MATTHEW 17:20

Jishuna ngahānkai, “Marama nathumwui shitkasang vātkahaiwui vangna. Ina nathumli kahāngna, nathumna shitkasang kayānghanthā rikha leiakha, phungrei hili nathumna ‘Hiwui eina araa chili vālu’ jilala vāra. Nathumna khikha masākharar maleimara.”

MATTHEW 6:30

Luili aja wonlaga akhama meilungli horsanghaokikaje awonrongbingli Varena chiyākha mathada sāmiakha, nathumli ana sakmataimeikharda masāmimaralā? O, shitkasang kateoabing!

MATTHEW 8:10

Jishuna chi kashā eina matakhakhaida athi kashurabingli hānga, “Kachangkhat eina ina nathumli kahāngna, Israelnaobingwui alungli ina hikathā shitkasang masamphanglakmana.

MATTHEW 8:26

Ana athumli hānga, “Khisāda nathum ngacheehaokhala? He shitkasang makhalei mibing!” Chiwui thili ana ngakarthuida masi eina shamadru chili chingrihai kharara, chieina va̱rihaowa.

MARK 4:35

Chithang ngazin ana athumli “Ngayi lākhavāk kānkāusa” da hānga.

LUKE 12:28

Kha aja luili wonlaga akhama meili horsanghaoki kaje awonrongbingli Varena chiyākha mathada samiakha nali ana kayākha mataimeida samirakhala? Oh, shitkasang khangazanbing!

LUKE 8:24

Chieina athumna ali vāmathotkhuilaga hānga, “Amei, Amei, ithum shimānki jiura.” Chieina ana ngakarthuida masi kala khangaphao chili ngasām khavai kakaso eina va̱rihaowa.

LUKE 8:26

Chiwui thili athumna Galileeli kāroda khalei Gerasawui ngaleili vāshunga.

JOHN 11:40

Jishuna ali hānga, “Nana shitsangakha Varewui tekhamatei theira da ina mahāngmala?”