LUKE 8:24 - Kathara Bible (BSI)

²⁴ Chieina athumna ali vāmathotkhuilaga hānga, “Amei, Amei, ithum shimānki jiura.” Chieina ana ngakarthuida masi kala khangaphao chili ngasām khavai kakaso eina va̱rihaowa.

LUKE 8:24 Iomraidhean Croise

LAA 65:7

shamadruwui khangaphao, tara̱wui khangaphao, miwui khonkazar nana chingngasaka;

ISAIAH 50:2

“I kharā tharan chili khisāda mi maleisāthu? Kaho tharan chili ngahānkā khavai khipākha maleithu? Ipāng sha̱nāhaida mahuimirarmara jihaola? Maningakha huimi khavai I pangshap maleithula? Yanglu, ina kakahar eina shamadru thengshapa, kongbingla siwuk sāngasaka; tara̱ khavātwui vang athumwui khaih nganamshishuna, kala ra̱kachang eina thiya.

JEREMIAH 5:22

Nathum ili mangacheemala? da Prohona hānga; iwui mangāli nathum makathirmala? Ina shamadruwui vang da situi eina makhangacheiya thari sāmi, tara̱na kapheshoklala athumna mayuirarmara; tara̱na ngaphaolala, china makānshokrarmara.

NAHUM 1:4

Ana shamadruli khararda thengngasaka, ana kong saikora thengngasaka; Bashan eina Carmel ngahuihaowa; Lebanonwui awonla pa̱tai.

MATTHEW 14:30

kha ana masi kaphan chi theida ngacheehaowa kala tara̱li ngaphumamān kaji eina “Amei, ili kakanmilu” da vaowa.

MATTHEW 8:25

Chieina athumna ali amathotkhuida hānga, “Amei, ithumli kanmilu, ithum shimānki jiura.”

MARK 4:39

Chieina Jishuna thuida masi chili khararra, kala shamadruli, “Chingrihaolu! Vihaolu!” da hānga. Masila maphanthuwa, chingri-vārihaowa.

LUKE 4:35

Kha Jishuna makathar manglā chili kaharda hānga, “Akhon mashoklu, awui eina shokhaolu.” Makaphā manglā china ali horkarsanghailaga zakkashi khikha masāla awui eina shokhaowa.

LUKE 4:39

Ana preiva̱ chiwui ngalemli anganingda kakharur raikhavai kakaso eina raihaowa kala ana hengsāda ngakarthuilaga athumli otram ngatha̱mi.

LUKE 5:5

Chieina Simonna ngahānkai, “Amei, ithumna ngayā pongda phāhaira, kha khikhala masamphangmana. Chithālala nawui kakaso athishurda ina horsangluiga.”

LUKE 8:25

Chiwui thili ana athumli hānga, “Nathumwui shitkasang kachili leikhala?” Chieina athumna matakhaknāhaida khangacheela ngacheenāhaida akha eina akha “Hi kachikathā mida, ana kakaso eina masinala, tara̱nala awui kahāng khanganākhala?” da ngazek ngaroka.