LUKE 8:23 - Kathara Bible (BSI)

²³ kala athumna zatmamānlakha Jishu pivāhaowa. Chitharan ngayi chili siphan zingrot panglāk eina ungrāsai kala athumwui marikhongli tara̱ ngaphaosangda athum ka̱lā shiki jihaowa.

LUKE 8:23 Iomraidhean Croise

LAA 148:8

mei eina theih, horām kala phām, siphan-zingrot, awui ningkhami ungshung ngasaka!

LAA 44:23

O Proho, khisāda pihaokhala? Nakhalatta ngakarthuilu! Thuimilu! ithumli mahorchaomi hailu!

ISAIAH 54:11

“O kakhanangna, siphan zingrotli chotchāng kahaida maringpha khangasakabing, yanglu, nali aman kasak lungguibing eina sākāmira, kala sapphire ngalung eina shimphunga sākāmira.

LUKE 5:1

Mibingna Varewui tui nganākida awui ngalemli kharā tharan a Gennesaretwui ngayipheili a nganingda leisai.

LUKE 8:22

Thangkha ana awui sākhangatha̱bingli marikhong akhali tongrumda athumli hānga, “Ithum ngayi vāklaida kāusa.” Chieina athum zathaowa,

OTSAK 27:2

Chieina Asia ramphangwui jahas ngasām khavaipamli vāki kaji jahas chi ithumna Adramyttiumwui eina kātongkhuida zatphoka. Chili Thessalonicawui eina kharā Macedonianao Aristarchusla ithumli ngasovai.

1 CORINTHNAO 15:30

Ringkhalui maleimana jiakha khisāda ithumna ka̱lākashi phungchingrakhala?

HEBREWNAO 4:15

Ava ithumwui khangazanli malukhamashana pāngmon kharei maningmana. Lākhashong phaningakha, ithumwui thada alila suihaira, kha ava morei masālakmana.