LUKE 8:14 - Kathara Bible (BSI)

¹⁴ Ka̱shātwui ngachaili tākazangbing chiya shākhui kahaibingna kha athumna okthuivāmamān kaji eina okathuiwui lumlao, kashāngkharei kala hunkhawui vang ringkaphā mirin china shangthathaowa, kala atheila minkakhui mangavāmana.

LUKE 8:14 Iomraidhean Croise

MATTHEW 13:22

Ka̱shātronglungli yaosang kahai athā chiya tui chi shālala mirinwui vang malungkharing kala lanli leikashina tui chi shangthathaowa kala atheila mamatheithuwa.

MARK 4:19

kha okathuiwui malungkharing, kashāng ningkachang, kala khangatatei otli kakahaona yuihaida tui chi shangthathaowa kala atheila mamathei ngasakmana.

LUKE 16:13

“Rao akhana akhavā khanili otram mangatha̱paimana; kaja ana akhali yangkharinglaga akhapali leishira, maningakha akhali mashitlaga akhapāli ningkachaira. Nathumna Vare eina okathuiwui lanli otram mangatha̱rumpaimana.”

LUKE 21:34

“Ngasharda rimpamlu! Okathui hiwui lumkhalao, khamarip kala mirinwui vang kaphaning china nathum khalattali mayui ngasakalu, atam chi kashuirak eina khale thada rārāsāpaishina.

LUKE 8:13

Ngalei tarākha makhalei lungguina pemting kahai apamli tākazang athābing chi tui chi kashā eina mathānthathup khuisanga; kha angayung maleithuda athumna kasha̱nakhawui vang shitsanglala kasui kharā tharan yāmhaowa.

LUKE 8:15

Ngalei katumpamli tākazangbing chiya tui chi shākhuilaga ningkathar kala kahāng khanganā wuklung eina singtitta khānglaga athei kachungkha khamatheibing chi kathāna.

LUKE 8:7

Khangatei kaikha ka̱shāt ngachaili tāzangda ka̱shātli phorrumhaida shangthathaowa.

JOHN 15:6

Kachikathāna ili mazangakha aphāng katheng thada katatkhui, kala kazipkhuilaga meili horsangda chuitā ngasaka.

1 TIMOTHY 6:17

Okathuili kashāngbingli malangso khavai kala akachang makhaning lanli machihān khavai, kha ot saikora ithumli ringphā khavai mavātla khame Vareli chihānthei khavai machinlu.

2 TIMOTHY 4:10

Demasna aruihonwui okathuili leishimeihaoda ili chihohailaga Thessalonicali vāhaira. Crescensla Galatiali vāhaira kala Titusna Dalmatiali vāhaira.

HEBREWNAO 6:1

Khristawui pongli theiphokdhadhar kajiwui arah chi horhailaga kāshungmei khavai sausa. Kathe otsakbingwui eina ningkhangatei kala Vareli shitkasang haokaphokwui shimphung chili singtitta maleichingsa.