LUKE 8:13 - Kathara Bible (BSI)

¹³ Ngalei tarākha makhalei lungguina pemting kahai apamli tākazang athābing chi tui chi kashā eina mathānthathup khuisanga; kha angayung maleithuda athumna kasha̱nakhawui vang shitsanglala kasui kharā tharan yāmhaowa.

LUKE 8:13 Iomraidhean Croise

JOBWUI LAIRIK 19:28

Kalikhada nathumna ‘Ali ithumna kathāda kharomra!’ kala, ‘Otshot hiwui angayung awuili lei’ jiakha;

CHĀNSAM 12:12

Makhayāwui khamakanga dolan arema sāthuihaowa, kha khangarongawui angayung nganingshinghai.

CHĀNSAM 12:3

Mi hi makhayāna masomkāmana, kha khangarongawui angayung mangatha̱lakmara.

ISAIAH 58:2

Chithālala athumna thangkachida phai, kala iwui apong theikhavai ningchānga, khamashung khangarong ot kasā miyur akha thāda, kala athum Varewui shiyan-chikan makaimana; athumna ili khamashung bichar poi, athumna Vareli khanganaili ringphai.”

EZEKIEL 33:32

Yanglu, athumwui vanga na hi, leikashiva̱li rokshot unglak eina laa sākachiphun thāda kala tingteila leishiri eina huikachithei thāda, nawui tui nganākhui, kha athumna kasāva masāmara.

HOSEA 6:4

Ina nali khi sara̱khala, O Ephraim? Nali khi sarakhala, O Judah? Nawui leikashi ngathorshongwui muiyā kathāna, thengngalang kahai ikra̱ kathāna.

MARK 6:20

kaja Herodna John hi khamashunga kala kathara mina da katheiwui vang ali ngacheelaka, chiwui vang eina ana ngākmi. Awui tui shākachida ning pa̱ngapālaklala ana awui tui nganāngailaka.

LUKE 8:12

Shongfali tākazangbing chi shākhui kahaibingna; kha athum tui chili mashitsang khavai kala kahui masamphang khavai chipee china rālaga athumwui eina tui chi khuithuihaowa.

LUKE 8:14

Ka̱shātwui ngachaili tākazangbing chiya shākhui kahaibingna kha athumna okthuivāmamān kaji eina okathuiwui lumlao, kashāngkharei kala hunkhawui vang ringkaphā mirin china shangthathaowa, kala atheila minkakhui mangavāmana.

JOHN 15:2

Athei makhamathei iwui aphāng kachiva̱ ana yortāhai, kala athei khamathei aphāng kachiva̱li chungmei mathei khavai sāmathāmi.

JOHN 15:6

Kachikathāna ili mazangakha aphāng katheng thada katatkhui, kala kazipkhuilaga meili horsangda chuitā ngasaka.

JOHN 5:35

John hiya sharkahai kahora thaomei kathāna, kala nathumna kasha̱khawui vang kahor chili pamngai.

1 CORINTHNAO 13:2

Ina phongkhamiwui pangshap leilala, matheikharar khangathuma matakhak kahai kala awor saikora theishingkhuishaplala, kala shitkasang tongtinghaida kaphung khāngthuishaplala, leikashi maleiakha I khikha maningmana.

1 CORINTHNAO 15:2

Ina nathumli hāshok kahai paokaphā chili shitsangtitakha china nathumli huimira. Chi maningsi kaja nathumwui shitkasang chi aremana.

GALATIANAO 3:1

Mangkhama̱ Galatianaobing! Nathumli khipāna khara̱ sangmihaokhala? Nathumwui miktāli Jishu Khristali krushli shaokathat nathum mathālak eina theikahaina!

GALATIANAO 3:4

Nathumna theikakhui chi aremala? Maningphutmana.

EPHESIANAO 3:17

Shitkasangwui mangā eina Khristana nathumwui wuklungli pamkhavai kala leikashili shimphung kala angayung sāda sa̱titkhui khavai ina seihā sai.

COLOSSIANAO 1:23

Paul ina paokaphā chiwui otram khangatha̱ sāda kazingramwui azingli khalei manglākapai yur kachiva̱li tamchithei kahai nathumna shākahai paokaphāli kachihān chi mangacheila nganingtitta shitsangchinglu.

COLOSSIANAO 2:7

Nathumwui angayung awuili sa̱khuititlu, nathumwui mirin awuitungli sākālu kala nathumli tamchithei kahai thada nathumwui shitkasang pangsang ngasaklu. Kala ningkashina pemtinghailu.

1 THESSALONICANAO 3:5

Chiwui vang eina ina phaningla mararthuda nathumwui shitkasang pongli kathada leilikhala kaji theikhui khavai kaja chipeena suikhuihaida ithumna sākahai saikora arema ngasāhaipaishinada ngacheeda Timothyli kachihona.

1 TIMOTHY 1:19

Kala nawui shitkasang eina mashun-makhui chi tharzā eina haipaira. Kachikathāna mashun-makhui chi manganāsangthuda athumwui shitkasang chi arema ngasā ngasakhaira.

HEBREWNAO 10:39

Ithum ngalanthui kahaia kala shimān kahai yur maningmana; kha shitsangda huimi kahai yurna.

JAMES 2:26

Manglā mazangakha pha̱sāmāng kathina, otsak mazangakha shitkasangmāng kathina.

2 PETER 2:20

Huikhame Proho Jishu Khristawui mangā eina theithangmeida okathuiwui khamakhaowui eina yāmshoklaga chiwui khalenli tāzangluiakha, khare mirinli khanaopā zakshimei.

2 PETER 2:22

Chānsamtuili “Fa̱na maloshokhailaga zālui kala hokli ra̱vaimihailaga khorchopli ngakhorlui.” kaji hi athumwui vang mashunglaka.

1 JOHN 2:19

Athum chi ithumwui ngarumsakli kachangkhat makazangwui vang thuikahaina; ithumli zangchaosi kaja athum mayāmlakmara. Kha ithumwuili mazangchaomana kaji ngahāhang eina theikhui khavai athum thuikahaina.

JUDE 1:12

Athumwui khamarip china ngarumsakwui morsonli nathumli maishi ngasakta hamak neokhami kathāna. Athumna athum khalattawui vangmāng phaninga. Athum chi zingrot makazang muiyā masina phankazat kathāna. Athum chi māthei kachāng eina tangda athei makhamathei kala angayung phurshoklaga thichao kahai thingrong kathāna.