LUKE 8:1 - Kathara Bible (BSI)

¹ Khaleilaga Jishuna Vare wungramwui paokaphā khuiphungda keinungbing kala kha̱bingli hāshokvai. Kala tharāda khani chi ali ngayurzata.

LUKE 8:1 Iomraidhean Croise

MATTHEW 11:1

Jishuna awui sākhangatha̱ tharāda khanili hāngchitheihailaga, ana athumwui keinungbingli tamchithei khavai kala pao hāshok khavai apam chiwui eina zatthuwa.

MATTHEW 13:19

Kachikathā akhana wungramwui tui shālaga bhap makatā tharan nawui wuklungli yaosang kahai athā chi chipee china rāyonthuiya; chi shongfapheili yaosang kahai kathāna.

MATTHEW 4:23

Jishuna Galileewui apam saikorali vāda athumwui synagogueli tamchithei, wungramwui Paokaphā hāshoka kala mibingwui kazāt ayāyāva̱ raimi.

MATTHEW 9:35

Jishuna keinung kala kha̱ kachivali vāda athumwui synagogueli tamchithei kala wungramwui paokaphā hāshoka kala kazātyur kala kazāt kachiva̱ raimi.

MARK 1:39

Ana Galileewui apam saikorali yaovai kala synagogueli pao hāshokta raihla kashamshokmi.

LUKE 1:80

Kala nao chi rarsangmamānda manglārinla pangsanga kala Israelnaobingli phonglāk eina machitheiranglakha eina tangda ana lamhāngli pama.

LUKE 20:1

Thangkha Jishuna khorumshimli tamchitheida pao hāshokta leilakha pāngmon akhokabing eina ain kathemabingna hangva̱naobingli ngasoda rai,

LUKE 4:18

“Prohowui Manglā chi iwuitungli lei. Khikhalajila kachāmabingli paokaphā hashok khavai, ana ili thao neomihaira. Narkahaibingli chihomi khavai, khangapeobing theiluishit khavai, chāngkhareng kahaibing ningkhān khavai.

LUKE 9:6

Chieina athumna zatuwa kala khavāvā kha̱ kachiva̱li paokaphāla hāshoka kala kakazāla raimi.

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

OTSAK 13:32

Chiwui vang eina Varena ishāvā ngarāli ngashitmi kahai paokaphā chi nathumli khuirāmi khavai hili ithum leili,

ROMNAO 10:15

Kala pao phungmebing machihoakha kathada hāshokrakhala? Hithada kapihaida lei: “Paokaphā khuikaphungbingwui kharā chi teokha matakhakhailakle!”