LUKE 7:8 - Kathara Bible (BSI)

⁸ Kaja ila akhavāwui azingli khalei mi akhana kala iwui azinglila raimi tarākha lei. Kachikathā akhali ina ‘Vālu’ jiakha vai, kala khangatei akhali ‘Rālu’ jiakha rai, kala iwui raoli ‘Hi sālu’ jiakha ana chi sai.”

LUKE 7:8 Iomraidhean Croise

LUKE 7:7

Chiwui vang eina I mashā eina marākhalengna. Kha thada kasomimalu, china iwui rao chi raishapra.

LUKE 7:9

Jishuna tui chi kashā eina matakhakhaowa kala shurkazat mi kachungkha chili ngareiungda hānga, “Ina nathumli kahāngna, Israelwui alungli ina hikathā shitkasang matheilakranga.”

OTSAK 23:17

Chieina Paulna shipai akhavā akhali hokhuida hānga, “Yaronpā hili akhavāwuili thānvālu, ana ali hāngki kaji tui leili.”

OTSAK 23:23

Chiwui thili ana akhavā khanili hokhuida hānga. “Aja ngayā pung kakathuma katā eina sigui katonga mi hangshini kala kazei kasinga shipai shākhanili ngasoda shipai shākhani Caesareali vākhavai khangarān sālu.

OTSAK 23:26

Claudius Lysiasna Phākhamataiya governor Felixli shālam mili.

OTSAK 23:31

Athumli kaso kahai athishurda shipaibingna Paulli chithang ngayā thānphungda Antipatris vāshungda khuivai.

OTSAK 24:23

Chiwui thili ana Paulli khamayona shipai shākhawui akhavā chili, Paulli narhai khavai thālala ningkhānva sākhavai kala awui ngasotnaobingna awui kasakli yangkhami tharan makhāmhai khavai kasoi.

OTSAK 25:26

Kha ina Caesarli mipā hiwui pongli hilāka da kapi khavai maram maleimana. Chiwui vang eina nathumwui mangāli, matailāk eina Awunga Agrippawui mangāli ali khuikharāna. Chieina ali mathālak eina ngahānshingkhui kahaiwui thili ina kapi khavai kachikathā samphanglapai.

COLOSSIANAO 3:22

Raobing, nathumwui akhavāli athumwui miktāli ningyāng ungkhavaimāngwui vang maningla ot saikorali athumwui kahāng nganālu. Ot kasā saikorali Proholi khayākashiwui vang ningtonglak eina sālu.