LUKE 7:46 - Kathara Bible (BSI)

⁴⁶ Nana ikuilila thao maneomimana, kha ana ipheili nganamkaphā thao neomi.

LUKE 7:46 Iomraidhean Croise

2 SAMUEL 12:20

Chieina Davidna ngakarthuida ra̱vaikhui, thao neokhui kala awui kashankachon shinkhuilaga Prohowui shimli vāda khoruma. Chiwui thili ana shimli unga; kala ana kashakazā kapo tharan athumna khuirāmida ana phāzai.

2 SAMUEL 14:2

Kala Joabna thangkhamei preinao akha Tekoawui eina vāphakhui ngasakta hānga, “Chapkhangachā mi akha sākhaninglu, kala chiwui kachon ngavailu, thaola maneolu, kha atam kasāngkha kathiwui vang chapngachā kahai preiva̱̱ thāda sākhaninglu;

LAA 104:15

kala mina ning mathān khavai drakhāra̱, mai horkhavai thao, miwui ning pangsang khavai kashakazāla mi.

LAA 23:5

Iwui yangkashebingwui mangāli nana ili kashakazā ngarānmi; ikuili nana thao neomi, iwui tengkot pemtha̱mi.

HĀSHOKME 9:8

Nawui kashankachon charching ngasaklu; nakuili kuithao mavāt ngasakalu.

DANIEL 10:3

Shaikaphā, zākaphā, sā kala drakhāra̱ ikhamorli akhala masangmana, kala ikhalatta kuilila haptā kathum peichaoda thao maneomana.

AMOS 6:6

khorām eina zam khamangbing, kala athum khalatta mathāmeikap kaji thao neoda Josephwui kashimānli makakhanangbing!

MICAH 6:15

Nana yaora kha mahātkhuimara; nana olive surra, kha nakhalatta khaneo masamphangmara; nana drakhāthei surra, kha khamang masamphangmara.

MATTHEW 6:17

Kha nathumna kakhum tharan akuili thaola neolu kala maila ngatāpkhariklu.

LUKE 7:47

Chiwui vang eina ina nali kahāngna, awui morei kachungkha khalei chi pheomihaira, kaja ana leishilak eina sāmi; kha teoda pheokhami mi china teomeida leishi.”

RUTH 3:3

Chiwui vang eina ra̱mayangkhuilaga thao neolu, kala nawui mathāmeikap kaje sāri shaksākhuilaga lanpumli vālu; kha a maphazā maphashakkhuiranglakha eina tangda na chili leida lei kaji machitheialu.