LUKE 7:39 - Kathara Bible (BSI)

³⁹ Chi kathei eina phazāt kaho Phariseepā china akhalatta phaninga, “Mipā hi marānsi kaje ali sakaza̱ sha̱nao hi khipākhala kala kachikathā mikhala kaji theida leira, kaja ava morei kaphungva̱ sha̱naona.”

LUKE 7:39 Iomraidhean Croise

2 WUNGNAOBING 5:20

Varewui mi Elishawui rao Gehazina hānga, “Yanglu, Syriawui Naamanna khuikharā ot iwui akhavāna akhala makhuila chihomihaira. Prohowui ming singda kahāngna ina kharomvālaga awui eina ngayarda akhuira.”

CHĀNSAM 23:7

kaja ava ningli aman shānkapama kathāna. “Zālu, manglu” da ana hānga, kha awui ningva nawuili maleimana.

ISAIAH 65:5

‘Nakhalatta ngateida pamlu, iwui ngalemli marālu, kaja I nawui eina ngateida haikahaina’ da hānga. Hikatha hi iwui nātangkhurli langpongda kachuiwui meikhutna.”

MATTHEW 20:16

Chieina khanaowa china rira kala khare china naora.”

MATTHEW 21:11

Chieina mishang china “Hi Galileeli khalei Nazareth kha̱wui marān Jishu china.”

MARK 7:21

Kaja miwui wuklungwui eina makaphā ningphanin, shāmkasa, khaleekasa̱, shaokathat, phokaphā,

LUKE 12:17

kala akhalatta chukmaja̱ya, ‘Iwui heiun hi kazip khavai apam maleithura, kathāusikhala?’

LUKE 15:2

Phariseebing eina ain kathembingna kapupkaseoda hānga, “Mipā hina morei kaphungbingli samphanglaga phakazāla phazārumli.”

LUKE 16:3

Chieina lansina china akhalatta hānga, ‘Kathāusido? Iwui akhavāna ili lansinpam eina khuishokhaora jihaira! Pangshap maleithuda tin singda otla masārarmarali, kala pokazāla khayakrali.

LUKE 18:4

Atam kasāngkhawui vang ana mamayāmana, kha naolak eina akhalatta chukmaja̱laga hānga, ‘Ina Vareli mangacheesālala kala mikumoli mautshitsālala

LUKE 3:8

Ning khangateiwui ngarakzak kahai athei mathei ngasaklu kala nathum khalatta ‘Ithumwui avāva̱ Abraham lei’ da mahāngalu, kaja ina nathumli kahāngna, ngalungbing hiwui eina Varena Abrahamli nao kachungkha semmishapa.

LUKE 7:16

Kashok chi theilaga athum ngacheelakhaowa kala Vareli masot chikatta hānga, “Ithumwui ngachaili marān kahaka akha shokhaira! kala Varena awui miyurli huimi khavai phaningmihaira!”

LUKE 7:37

Kala yanglu, keinung chiwui morei kaphungva̱ sha̱nao akhana Jishu phazāli kaji kashā eina nganamkaphā alabaster thaokhong akha khuirai.

LUKE 7:38

Ana Jishuwui phei khanukvāk nganingda chapsasui awui chara̱ eina phei ya̱ngasakhailaga kuisam eina mitmihai kala apheili maya̱da nganamkaphā thao chi neomi.

LUKE 7:40

Chieina Jishuna ngahānkāda hānga, “Simon ina nali hāngkhangai akha lei.” Ana “Khikhala Ojā, hāngmilu” da ngahānkai.

JOHN 4:19

Sha̱nao china hānga, “Amei, na marān akhana da ina thei.”

JOHN 7:12

Mibingna Jishuwui pongli ngazek ngaroka; kaikhana “A kaphā mina” ji, kala kaikhana “Mibingli ana thannguihaira” da hānga.

JOHN 9:24

Athumna mik ngapeoda kapharā mi chili kakhane holuishitta hānga, “Vareli masot milu. Mipa chi morei kaphunga mina da ithumna thei.”