LUKE 7:28 - Kathara Bible (BSI)

²⁸ Ina nathumli kahāngna, sha̱naona kapharāwui ngachaili Johnli reikhamei khipākha maleimana. Chithālala Vare wungramli teomeikap kaje mi china ali reimei.”

LUKE 7:28 Iomraidhean Croise

MATTHEW 11:11

Ina nathumli kachangkhat kahāngna, sha̱naona kapharāwui ngachaili John Ra̱hikmeli reikhamei khipākha mashoklakrangli; chithālala kazing wungramli teomeikap kaje china ali reimei.

MATTHEW 3:1

Atam chitharan John Ra̱hikmena Judeawui lamhāngli pao hāshokrai.

LUKE 3:16

Johnna athum saikorali hānga, “Ina nathumli tara̱ eina ra̱hikmi kha ili reikhamei a chi rārāli, I awui pheihop khara̱ eina tangda khalāmikida matik machāmana. Ana nathumli Manglā Kathara kala Mei eina ra̱hikmira.

LUKE 7:27

Awui pongli hithada kapihaidalei; ‘Yanglu, iwui paophungmeli nali rida chihoi, ana nawui shongfa rida ngarānmira.’

LUKE 7:29

Tui hi kashā eina Johnwui ra̱kahik samphang kahai mi saikorana kala khāshinā khalokbingna Varewui tui chi mashunglaka jihaowa.

LUKE 9:48

kala athumli hānga, “Hikathā naoshinaoli iwui mingwui vang khuikasanga china ili khuikasangna kala ili khuikasanga china ili kashirata ali khuikasangna; kaja nathum saikorawui ngachaili teomeikap kaje china reimeikapa.”