LUKE 7:16 - Kathara Bible (BSI)

¹⁶ Kashok chi theilaga athum ngacheelakhaowa kala Vareli masot chikatta hānga, “Ithumwui ngachaili marān kahaka akha shokhaira! kala Varena awui miyurli huimi khavai phaningmihaira!”

LUKE 7:16 Iomraidhean Croise

LAA 65:9

Nana okathuili yaorāda chili tara̱ chaimi, chili nana ngalei tumngasaka. Varewui kong tara̱ pemtinghai; nana athumwui athāyur ngarānmi, chithāda nana ngarān kahaina.

SHONGZĀ 4:31

Mibingna shitsanghaowa; kala Prohona Israelnaobingwui kachotkachāng theimihaira kaji shālaga athumna mashunzanga kala khoruma.

JEREMIAH 33:9

Ina athumli kaphā sākhami chi kathei kashā okathuiwui miyur saikorawui mangāli, keinung hi iwui mingwui khamathān, masot kala tekhamatei ngasāra, ina khamathā sākhami kala mataisang khangasak saikora hiwui vang athumna ngacheeda kathirra.”

MATTHEW 15:31

chieina khangasha̱na matuikapai, pāng katekali raikhami, phei katekana kazat kala mik khangapeoana kathei chi mibing china theilaga matakhakhaowa; kala athumna Israelwui Vareli masochikata.

MATTHEW 21:11

Chieina mishang china “Hi Galileeli khalei Nazareth kha̱wui marān Jishu china.”

MATTHEW 28:8

Chieina anina khangcheela thā, khamathānla thā da chikhurpamwui eina katotsisi thuihaowa kala sākhangatha̱bingli ngasamvāhaowa.

MATTHEW 9:8

Yaruina chi kathei tharan athum ngacheehaowa kala mikumoli hikathā sāshap-pangshap khame Vareli athumna masochikata.

LUKE 1:65

Chieina khongnainaobing saikora ngacheeshunhaowa kala shokkahai otshot saikora hi Judea kaphungwui kha̱wung kachida ngazeklophaowa.

LUKE 1:68

“Israelwui Proho Vareli sosersa, kaja ana awui mibingli rāngachonmida athumli ngatangkhuihaira.

LUKE 19:44

Athumna nathumli kala ngaveilungli leikasā naongarā saikora shimān ngasakra; lunggui akhawuitungli lunggui akhala maleiluimara, kachiwui vangkhala kaja Varena nali huikida kharā atam nana matheimana.”

LUKE 2:20

Yaokahombing china athumwui theikakhui shākakhui saikora chiwui vang Vareli tekmatei khangasak eina ngasoda masochikatta latunghaowa. Kaja chi athumli hānghairasai.

LUKE 24:19

“Khi sāthukhala?” da ana ngahāna. “Nazarethwui Jishuli shokkahai maramna. Mipā hi Varewui mangalila, miwui mangalila kala otsak, tuimatui saikorali pangshap khaleia marān akhana” da anina ngahānkai.

LUKE 5:26

Chieina athum saikora matakhakhaoda Vareli masochikata; kala khangacheena pemtinghaida “Ithumna matheisālak kaji ot aja theihaira.” da hāngngaroka.

LUKE 5:8

Kha Simon Peterna chi kathei eina Jishuwui pheizingli ngakhumzangda hānga, “He Proho, iwui eina kathuimihaolu; kaja I morei kaphunga mina.”

LUKE 7:15

Kathipā chi thuipama kala tui matuiphokuwa, kala Jishuna ava̱va̱wui pāngli mihaowa.

LUKE 7:39

Chi kathei eina phazāt kaho Phariseepā china akhalatta phaninga, “Mipā hi marānsi kaje ali sakaza̱ sha̱nao hi khipākhala kala kachikathā mikhala kaji theida leira, kaja ava morei kaphungva̱ sha̱naona.”

LUKE 8:37

Chieina Gerasa ngaleiwui kuikhamareili kapāna mibing saikorana ali athumwui eina thuimihaolu da poi; kaja athum ngacheenāhaowa. Chieina ana marikhong tongkhuiphungda latunghaowa.

LUKE 9:19

Chieina athumna. “Mi kaikhana John Ra̱hikmena ji, kha kaikhana Elijahna ji kala khangatei kaikhana achālakhawui marānbingwui ngachaiwui eina akha ringkashokna ji” da ngahānkai.

JOHN 1:21

Chieina athumna “Chithākha na khipākhala? Elijahla?” da ngahāna. “Maningmana” da Johnna ngahānkai. “Na marānla?” da athumna ngahāna. “Maningmana” da ana ngahānkai.

JOHN 1:25

“Na Khristala maning, Elijahla maning, marān chila maningakha, khiwui vang eina ra̱hikhamikhala?”

JOHN 4:19

Sha̱nao china hānga, “Amei, na marān akhana da ina thei.”

JOHN 6:14

Matakkhak kahai ot kasā chi theilaga mibingna, “Kachangkhat okathuili rāki kaje marān chi alaka” da hānga.

JOHN 9:17

Chiwui thili Phariseebingna mipā chili ngahānluishita, “Nali ana mik theingasaka jihaira. Phai thākha a hi khipākhala?” Chieina ana, “A marān akhana” da ngahānkai.

OTSAK 5:5

Ananiasna tui hi kashā eina kongluisangda thihaowa, kala kashā saikorana ngacheelakhaowa.

OTSAK 7:37

‘Varena ili shokkhangasak thada nathumwui vang nachinā ngarāwui eina marān akha shokngasakra’ da Israelnaobingli kahāng chi Moses hilaka.

GALATIANAO 1:24

Kala hithada iwui vang eina athumna Vareli sochikata.

KHALATLUI 18:15

“Nathumwui ngachaili nachinā ngarāwui eina I kathā marān akha Proho nathumwui Varena shokngasakra, nathumna awui tui khuira—