LUKE 6:8 - Kathara Bible (BSI)

⁸ Kha ana athumwui kaphaning chi theihaoda pāng sheikasha̱pā chili hānga, “Hili rānganinglu.” Chieina ana ngakarthuida chili anganinga.

LUKE 6:8 Iomraidhean Croise

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

1 THOTRINCHĀN 29:17

Nana wuklung tamyangda mashungrik kahaili ningyangkhaung lei kaji ina thei, iwui Vare, ot saikora hi ina ningtongda kachigatna, kala hili khalei nawui mibing saikorana nawui vang mathanthathup eina kachigatna kaji ara ina theihaira.

JOBWUI LAIRIK 42:2

“Nana ot saikora shapsera kaji ina thei, kala nawui sākhangai akha eina tangda mahorhaipaimana.

LAA 44:21

Varena chi maphāshokmarala? Kaja khangathum ningla ana thei.

ISAIAH 42:4

Ana yāng mashimānmara lah ngachāngla machatmara, okathuili ana mashun eina mamungranglakha, shamadrupheili khaleibingna awui ain ngaraili.

MATTHEW 9:4

Chieina Jishuna athumwui kaphaning chi theida hānga, “Nathumwui wuklungli khisāda makaphā ning phaningphāphākhala?

MARK 3:3

Chieina Jishuna pāng sheikasha̱a chili, “Hili rālu” da hoi:

LUKE 13:12

Jishuna ali kathei tharan ali hokhuida hānga, “He sha̱nao, nali nawui kazātwui eina chihomihaira.”

LUKE 5:22

Jishuna athumwui ngahān khangarok chi theida athumli hānga, “Khisāda nathumwui wuklungli machukphāphākhala?

LUKE 6:9

Chieina Jishuna athumli hānga, “Ina nathumli khangahāna; Sabbath zimiksholi kaphā ot kasā mashungmeikā zakkashi ot kasā mashungmei, manglā huikhuirakā sashimānrakhala?”

JOHN 2:25

mi khipānakha athumwui pongli ali hāngmi khavai darkar masāmana kaja a khalattana athumwui ningli khi leikhala kaji thei.

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

JOHN 9:4

Ngashun horda leilakha ili kashirātawui ot chi ithum sāphalungra. Ngayā kharā tharan khipānakha masārarmara.

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 26:26

Awunga Agrippa, ina nali hi machihuilakla matuikashapna, khikhalajila nana hiwui pongli theisera kaja saikora hi awungana matheila achithek akhali ngathumda kashok maningmana da ina shitsanga.

PHILIPPINAO 1:28

Yangkashebingli mangacheelakalu. Atam kachida malung pinglu, chithākha nathumna yuichingra. Kachiwui vangkhala kaja khayui hi Varena khamina.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.

1 PETER 4:1

Khristana kachotkachāng phunghaokada nathumla Khristawui kaphaning thada phaning khavai ngarānlu. Khiwui vangkhala jilaga phasāli kachotkachāng samphang kahaibing moreili mazangluimana.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.