LUKE 6:49 - Kathara Bible (BSI)

⁴⁹ Kha shālaga makasā mi chiya ngalei machuizangla ngaleitungli shimphunga heihailaga sākakā kathāna. Tara̱ phongda ungpharkaza̱ tharan ngalāngda ja̱phup tāhaowa kala shim chiwui kashimān chi hakmahālaka.”

LUKE 6:49 Iomraidhean Croise

CHĀNSAM 28:18

Ningsāngazipta kazata mili kanmira, kha masho ngachei khangasaka mi chomli tāzangra.

EZEKIEL 33:31

Mibingwui thāda athumnala rai kala nana kahāng chi nganākhui, kha kasāva masāmana; khamorle leikashi tui kachungkha hānga, kha alungshonga khalatta tongzā khavaimāng sai.

HOSEA 4:14

Nanao ngalāva̱bingna khayorwui otsak kasā tharan, kala mākhām kahaiva̱bingna phokaphā tharan athumli tandi mamimara; kaja mayarnao athum khalatta khayorva̱bingli ngasozatta lei, kala khayorbingli ngasoda pha̱kaphayā ot sai, kala theishingkakhui makhalei mibing shimānhaora.

MATTHEW 23:3

chieina athumna kahahāng hupta otsak eina sālu kala ngalanglu, kha athumna kasā thada masālu, khikhalajila athumna hāshoka kha otsak eina masāmana.

MATTHEW 24:10

Kala chiwui thili kachungkhana yāmhaora, kala akha eina akha yansai ngarokra kala yangkharing ngarokra.

MARK 4:17

kala khalattawui lungli angayung maleimana, kha kasha̱nakha ringa; kha tui chiwui vang kachotkachāng, rekakharek kharā tharan heng sāda yāmhaowa.

LUKE 12:47

“Akhavāwui ningkachāng chi thatheilaga chi sākhavai makhangarāna kala akhavāwui ningkachāng athishurda makasā rao chi lijei shaira.

LUKE 19:14

Kha aramnaobingna ali yangkharinghaoda a zatthui kahaiwui thili, ‘Ithumwuitungli mipā hina khamung maningchāngmana’ da ahāng khavai minganin chihovai.

LUKE 19:27

Athumwuitungli ili mamung ngasak khangaia yangkashebing chiva hili khuirāda iwui miktāli shaothathaolu.’”

LUKE 6:46

“Ina nathumli kakasopā masālaga khisāda ili ‘Proho, Proho’ da kahokhala?

LUKE 6:48

Chikathā mi chiya thuklak eina chuizanglaga lunghārtungli shimphunga heihailaga shim sākakā kathāna. Tara̱ kaphong tharan shim chili ungpharza̱lala mangatha̱ ngasakrarmana; khiwui vangkhala kaja chi ngaziplak eina sakā kahaina.

LUKE 7:1

Mibingli hāngki kaji hāngkup kahaiwui thili Jishuna Capernaumli vai.

JOHN 15:2

Athei makhamathei iwui aphāng kachiva̱ ana yortāhai, kala athei khamathei aphāng kachiva̱li chungmei mathei khavai sāmathāmi.

OTSAK 20:29

Ina thei kaja I thuikahaiwui thili sākashi ramfabingna nathumwui ngachaili rāzangda khipālikha haisāsa majilakmara.

OTSAK 26:11

Ina kachungkhashida Synagogueli vāda athumli tandi mi kala athumwui shitkasang chi ngachei khavai khangarān sai; malungvātnahaida ina miram khangateiwui keinungli vāda athumli rekhareka.

1 THESSALONICANAO 3:5

Chiwui vang eina ina phaningla mararthuda nathumwui shitkasang pongli kathada leilikhala kaji theikhui khavai kaja chipeena suikhuihaida ithumna sākahai saikora arema ngasāhaipaishinada ngacheeda Timothyli kachihona.

2 PETER 2:20

Huikhame Proho Jishu Khristawui mangā eina theithangmeida okathuiwui khamakhaowui eina yāmshoklaga chiwui khalenli tāzangluiakha, khare mirinli khanaopā zakshimei.

1 JOHN 2:19

Athum chi ithumwui ngarumsakli kachangkhat makazangwui vang thuikahaina; ithumli zangchaosi kaja athum mayāmlakmara. Kha ithumwuili mazangchaomana kaji ngahāhang eina theikhui khavai athum thuikahaina.