LUKE 6:41 - Kathara Bible (BSI)

⁴¹ “Khisāda nawui mikli thingngumrikha kazang chi matheilaga nachināwui mikli khayim kazang chi thei jikhala?

LUKE 6:41 Iomraidhean Croise

1 WUNGNAOBING 2:32

Ishāvā Davidli mangasanlakla ana ashee tākhangasakwui vang Prohona awuitungli athut khuimira; kaja ali phāmei kala mashungmeikhar kaji mi khani, Nerwui nao Abner, Israelwui raimi kathāna eina Jetherwui nao Amasa, Judahwui raimi kathānali ana sāthathaowa.

1 THOTRINCHĀN 21:6

Kha chili Levibing eina Benjaminbing mashānsangmana, kaja awungawui tui chi Joabna mamayāngaithuwa.

LAA 36:2

Kaja awui makaphā morei maphāshokrarmara kala mayangkharingmarada akhalatta chuilak eina sotmasaoya.

JEREMIAH 17:9

“Ot saikorawuitungli wuklung zakshimeikapa, kala makhaomeikapa, khipāna chi bhab tāshapkhala?

EZEKIEL 18:28

Khikhalajila ana chukmaja̱laga ana morei sākahai saikorawui eina latkhaungwui vang, a kachangkhat eina ringra, a mathimara.

MATTHEW 7:1

“Bichar masaalu, chithākha nathumlila bichar masāmara.

MARK 8:7

Athumwuili khaihla kateokha leisai; Jishuna chiwui vang Vareli ningkashi milaga yaruili yaokhavai mi.

LUKE 6:40

Katamnaona Ojāli mareimeimana, kha kāshunglak eina tamchithei kahaiwui thili mi kachiva̱ awui ojā eina ngaraichāpapamhaora.

LUKE 6:42

Namikli thingngumrikha kazang chi matheirarlaga kathada nachināli, ‘Itao, namikli khayim kazang chi ina kheimiga’ da hāngpairakhala? He phākakhaninga, namikli thingngumrikha kazang chi rida kheishokhaifalu, chiwui thili nachināwui mikli khayim kazang chi kheishokmi khavai mathingrik eina theira.

JOHN 8:7

Athumna ngahānshon kaji eina Jishuna nganingkāda hānga, “Morei masālak kaje mi china sha̱naopava̱ hili lunggui eina thamrithuiranu.”

ROMNAO 2:1

Chiwui vang eina, O mikumo! khipā khipākharanu, nana mi khangateibingwuitungli bichar saakha nali pheomikapai maleimana; kaja awuitungli bichar kasā eina nakhalatta yonngasakta lei, kachiwui vangkhala kaja bichar kasaa nanala awui tākam eina sāda lei.

JAMES 1:24

Kaja akhalatta ngayolaga zatthui kahai eina a khalattawui azak malai kahai kathāna.