LUKE 6:26 - Kathara Bible (BSI)

²⁶ “Mina nathumli sotkhamasao tharan nathum kakhanang ringkashi ngasāranu, kaja athumwui avāva̱ ngarābingnala minama marānbingli chi tākam eina sāsai.

LUKE 6:26 Iomraidhean Croise

CHĀNSAM 27:21

Khāng lupāsāwui vāngna, sharkha̱ sināwui vāngna, mili awui kaso eina theikhui.

ISAIAH 30:10

Athumna khanongli “Mayanglu”, da hānga, marānbingli, “Ithumli khamashung khikhala kaji mamarānalu, ithumna shākhangai tuimāng hānglu, makakachang tui marānlu,

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

MICAH 2:11

Mi akhana masitui kala kakapik tui matuida, “Ina nathumli drakhāra̱ eina zamwui pao hashokra” da hāngshang hangtāakha, a miyur hiwui pao hākashokana.

MATTHEW 7:15

“Minama marānbingli ngasharlu, athumna yaohui ngavaikhaninglaga rai, kha alungle athum sākakathān ramfa kathāna.

LUKE 6:25

Arui kathobing, nathum kakhanang ringkashi ngasāranu, kaja nathum thaira. “Arui mana̱da khaleibing, nathum kakhanang ringkashi ngasāranu. kaja nathum chapra!

JOHN 15:19

Nathumna apug-apagvawui ngasakha, apuk-apagva̱na awui chili leishira; kha ina nathumli apuk-apagva̱wui eina kapangkhuihaoda nathum apuk-apagva̱wui maningmana, chiwui vang eina apuk-apagva̱na nathumli ningkachai.

JOHN 7:7

Okathuina nathumli maningkachairarmana, kha ili ningkachai, kaja chiwui otsakbing chi makaphāna da ina hāngching kajiwui vangna.

ROMNAO 16:18

Kaja hithada kasā athum chiya Khristawui otram khangatha̱ maningla paiphonwui vang ot kasāna, athumwui kashim tui kala sotkhamasao akhon eina matheithangkhameibingli yonngasaka.

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.